ରାୟଗଡା, (ଅକ୍ଷୟ କୁମାର ପିଡ଼ିସିକା) : ରାୟଗଡା ଜିଲ୍ଲା କଲ୍ୟାଣସିଂହପୁର ବ୍ଲକ କରପା ପଞ୍ଚାୟତରେ ଥିବା କରପା ସେବାଶ୍ରମର ଚତୁର୍ଥ ଶ୍ରେଣୀ ଛାତ୍ରୀର ବ୍ରେନ ମ୍ୟାଲେରିଆରେ ମୃତ୍ୟୁ ହୋଇଥିବା ଜଣାପଡିଛି । ମୃତ ଛାତ୍ରୀ ଜଣକ ହେଲେ କରପା ପଞ୍ଚାୟତର କ୍ରିଷ୍ଣାପାତ୍ରଗୁଡା ଗ୍ରାମର ସମ୍ବୁରୁ ନାଚିକାଙ୍କ ସାନ ଝିଅ । ସେ କରପା ସେବାଶ୍ରମରେ ଚତୁର୍ଥ ଶ୍ରେଣୀରେ ପାଠ ପଢୁଥିଲେ । ସେ ବିଦ୍ୟାଳୟକୁ ଯାଇଥିବା ବେଲେ ତାଙ୍କୁ ଜ୍ଵର ହୋଇଥିଲା ଫଲରେ ବିଦ୍ୟାଳୟ ପକ୍ଷରୁ ଔଷଧ ଦେଇଥିଲେ କିନ୍ତୁ ତାଙ୍କ ଦେହ ଅଧିକ ଖରାପ ହେବା ଯୋଗୁଁ ଶୁକ୍ରବାର ସନ୍ଧ୍ୟାରେ ବାପା ସମ୍ବୁରୁଙ୍କୁ ଯୋଗାଯୋଗ କରି ଝିଅର ଦେହ ଖରାପ ହୋଇଥିବା ଖବର ଦେଇଥିଲେ । ଖବର ପାଇବା ପରେ ବାପା ସେବାଶ୍ରମକୁ ଯାଇ ଝିଅର ସ୍ୱାସ୍ଥ୍ୟ ଅବସ୍ଥା ଦେଖି ସଙ୍ଗେ ସଙ୍ଗେ ଘରକୁ ଆଣି ଆଦିବାସୀ ପରମ୍ପରା ଅନୁଯାୟୀ ଦେଶୀ ଔଷଧ ଦେଇଥିଲେ । ସେଥିରେ ଝିଅର ଜ୍ଵର ନକମିବାରୁ ବାପା ସଙ୍ଗେ ସଙ୍ଗେ ଆମ୍ବୁଲାନ୍ସ ଗାଡିକୁ ଡାକି ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରରେ ଭର୍ତ୍ତି କରିଥିଲେ । ସେଠାରେ ଡାକ୍ତର ପ୍ରାଥମିକ ଚିକିତ୍ସା କରି ଝିଅର ଜ୍ଵର ମୁଣ୍ଡକୁ ଚଢ଼ି ଯାଇଛି କହି ଜିଲ୍ଲା ସ୍ୱାସ୍ଥ୍ୟକେନ୍ଦ୍ରକୁ ପଠାଇଦେଇଥିଲେ ହେଲେ ଜିଲ୍ଲା ସ୍ୱାସ୍ଥ୍ୟ କେନ୍ଦ୍ରରେ ପହଞ୍ଚିବା ପରେ ସେଠାରେ ଡାକ୍ତର ତାଙ୍କ ପ୍ରାଥମିକ ଚିକିତ୍ସା କରି ଝିଅର ଅବସ୍ଥା ଅଧିକ ଗୁରୁତର ହୋଇଥିବାରୁ ବ୍ରହ୍ମପୁର ନହେଲେ କୋରାପୁଟ ନେଇଯିବା ପାଇଁ ବାପା ସମ୍ବୁରୁଙ୍କୁ ପରାମର୍ଶ ଦେଇଥିଲେ । ସେଠାରୁ କୋରାପୁଟ ପାଖ ହୋଇଥିବାରୁ ଝିଅକୁ ରାୟଗଡା ଠାରୁ କୋରାପୁଟକୁ ନେଇଯାଉଥିଲେ ହେଲେ ଅଧା ବାଟରେ ଛାତ୍ରୀଙ୍କ ନିଶ୍ୱାସ ବନ୍ଦ ହୋଇଯାଇଥିଲା । ଏହା ଦେଖି ଆମ୍ବୁଲାନ୍ସରେ ଥିବା ଫାର୍ମାସିଷ୍ଟଙ୍କୁ କହିବାରୁ ବେଳେ ବେଳେ ଏମିତି ହେବ ବୋଲି କହି କୋରାପୁଟ ମେଡିକାଲରେ ପହଞ୍ଚିଥିଲେ । ସେଠାରେ ଡାକ୍ତର ଛାତ୍ରୀଙ୍କୁ ଦେଖି ମୃତ ଘୋଷଣା କରିଥିଲେ । ସେଠାରୁ ଛାତ୍ରୀଙ୍କ ମୃତ ଦେହ ଗ୍ରାମକୁ ଆଣି ଆଦିବାସୀ ପରମ୍ପରା ଅନୁଯାୟୀ ଗ୍ରାମର ମୁଣ୍ଡରେ ରଖିଥିଲେ ଏବଂ ଶବକୁ ଶ୍ମଶାନକୁ ନେବା ପାଇଁ ପ୍ରସ୍ତୁତ କରୁଥିବା ବେଳେ ଅନ୍ୟ ଏକ ଆଦିବାସୀ ମହିଳା ଓ ଛାତ୍ରୀଙ୍କ ଦେହକୁ ପିଶାଚ ପ୍ରବେଶ କରିଥିଲା । ଏହାକୁ ନେଇ ଗ୍ରାମରେ ଭୟର ବାତାବରଣ ସୃଷ୍ଟି ହୋଇଥିଲା । ଘଟଣା ସ୍ଥଳରେ ସେବାଶ୍ରମର ପ୍ରଧାନ ଶିକ୍ଷକମାନେ ଉପସ୍ଥିତ ରହି ପରିବାର ଲୋକଙ୍କୁ ସାନ୍ତ୍ୱନା ଦେଇଥିଲେ ।