ସୁବର୍ଣ୍ଣପୁର, (ପ୍ରଭୁଦତ୍ତ ରଥ) : ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ତହସିଲ ଅନ୍ତର୍ଗତ ବହଲପଦର ଗାଁରେ ଆଜି ପୂର୍ବାହ୍ନରେ ଭୟାବହ ଅଗ୍ନିକାଣ୍ଡ ଘଟିଛି । ଆକସ୍ମିକ ଭାବେ ଲାଗିଥିବା ନିଆଁରେ ୩ଟି ପରିବାରର ୫ ବଖରା ଘର ସାଂଗକୁ ଘରେଥିବା ଧାନ, ଚାଉଳ ଏବଂ ଆସବାପତ୍ର ସାଂଗକୁ ଲକ୍ଷାଧିକ ଟଂକାର ସଂପତ୍ତି ନିଆଁରେ ପୋଡି ନଷ୍ଟ ହୋଇଯାଇଛି । ଏହାସହ ଏମାନଂକ ଗୁହାଳରେ ଥିବା ଅନେକ ଗୃହପାଳିତ ଛେଳି ମଧ୍ୟ ନିଆଁରେ ପୋଡି ପାଉଁଶ ହୋଇଯାଇଛନ୍ତି । ଆଜିସକାଳ ୯ଟା ସମୟରେ କୌଣସି କାରଣରୁ ଗାଁର ଅକୃର ସାହୁଂକ ଘରେ ନିଆଁ ଲାଗିଯାଇଥିଲା । ଧିରେ ଧିରେ ନିଆଁ ଅକୃରଙ୍କ ଭାଇ ଲବ ଏବଂ କୁଶଙ୍କ ଘରକୁ ମଧ୍ୟ ଡେଇଁଥିଲା । ନିଆଁରେ ତିନି ଭାଇଂକ ୫ ବଖରା ଘର ସାଂଗକୁ ଲକ୍ଷାଧିକ ଟଂକାର ସମ୍ପତ୍ତି ପୋଡି ପାଉଁଶ ହୋଇଯାଇଛି । ଦମକଳ ବାହିନୀ ପହଂଚି ନିଆଁକୁ ଆୟତ୍ତ କରିଛି । ନିଆଁରେ ଧ୍ବଂସ ହୋଇଥିବା ଧନ ସମ୍ପତ୍ତି ଆକଳନ କରାଯାଇ କ୍ଷତିପୂରଣ ସହ ପୀଡିତ ପରିବାରକୁ ରିଲିଫ ଯୋଗାଇବାକୁ ଦାବୀ ହୋଇଛି ।