ବାଲିପାଟଣା : ୩ ଦିନ ହେଲା ବାଲିଅନ୍ତା ସାମ୍ବାଦିକ ପୀତବାସ ଦାଶ ନିଖୋଜ ହୋଇଥିବା ନେଇ ପରିବାର ପକ୍ଷରୁ ଲିଖିତ ଅଭିଯୋଗ ହୋଇଛି । ସୂଚନା ଅନୁସାରେ ସୋମବାର ସନ୍ଧ୍ୟା ୭ଟାରେ ମୋବାଇଲ୍ ଚାର୍ଜ ନଥିବାରୁ ଘରେ ମୋବାଇଲ୍ ରଖି ବଜାରକୁ ଯାଇଥିବା ବେଳେ ଛକରେ ତାଙ୍କ ବାଇକ୍ ଚାବି ଲଗା ଅବସ୍ଥାରେ ଥିବା ଦେଖି ପରିବାର ଲୋକଙ୍କୁ କିଛି ବ୍ୟକ୍ତି ଖବର ଦେଇଥିଲେ । ଏନେଇ ପୀତବାସଙ୍କ ପରିବାର ଲୋକେ ଖୋଜାଖୋଜି କରିଥିଲେ ସୁଦ୍ଧା ତାଙ୍କର କୌଣସି ସନ୍ଧାନ ମିଳିନଥିଲା । ପୀତବାସଙ୍କ ପତ୍ନୀ ଶ୍ରଦ୍ଧାଞ୍ଜଳି ତ୍ରିପାଠୀ ପଞ୍ଚାୟତ ନିର୍ବାଚନରେ ସରପଞ୍ଚ ଭାବେ ପ୍ରତିଦ୍ଵନ୍ଦିତା କରୁଥିବାରୁ ଏଭଳି ଘଟିଥିବା ପରିବାର ପକ୍ଷରୁ ସନ୍ଦେହ କରାଯାଉଛି ।