ଆଗଲପୁର, (ସୁଶିଳ କୁମାର ମିଶ୍ର) : ବଲାଙ୍ଗିର ଜିଲ୍ଲା ଆଗଲପୁର ବ୍ଲକ ବାଞ୍ଜିପାଲି ଗାଁରେ ପୁଣି ଏକ ଲଜ୍ୟାଜନକ ଘଟଣା ଦେଖିବାକୁ ମିଳିଛି । ସଂପର୍କୀୟ ନାତୁଣୀ ଅଜା ବୀର କୁମ୍ଭାରଙ୍କ ନାଁରେ ଆଗଲପୁର- ଥାନାରେ ଲିଖିତ ଅଭିଯୋଗ କରିଥିବା ସୂଚନା ମିଳିଛି । ମିଳିଥିବା ସୂଚନା ଅନୁସାରେ ସକାଳୁ ସକାଳୁ ନାବାଳିକା ଜଣକ ଶୌଚ ପାଇଁ ଯାଇଥିବା ବେଳେ ସଂପର୍କୀୟ ଅଜା ଏକୁଟିଆ ଥିବାର ସୁଯୋଗ ନେଇ ସଂପର୍କୀୟ ନାତୁଣୀକୁ ଦୁଷ୍କର୍ମ କରିବା ପାଇଁ ଉଦ୍ୟମ କରିଥିଲା । ନାବାଳିକା ଜଣକ କୌଣସି ମତେ ସେଠୁ ଖସି ଆସି ଘର ଲୋକଙ୍କ ଆଗରେ ଘଟଣା ବିଷୟରେ ପ୍ରକାଶ କରିବାରୁ ଘରଲୋକଙ୍କ ସହ ନାବାଳିକା ଜଣକ ଆଗଲପୁର ଥାନାକୁ ଯାଇ ଲିଖିତ ଅଭିଯୋଗ କରିଥିଲେ । ଅଭିଯୋଗ ପାଇ ଆଗଲପୁର ପୋଲିସ ଅଜା ବୀର କୁମ୍ଭାରଙ୍କୁ ଗିରଫ କରି ତାଙ୍କ ନାମରେ ମାମଲା ରୁଜୁ କରିଥିବା ଆଗଲପୁର ପୋଲିସ ପ୍ରକାଶ କରିଛି ।