ବ୍ରହ୍ମପୁର, (କେ.ସତ୍ୟନାରାୟଣ ରେଡ୍ଡୀ) : ପ୍ରଧାନମନ୍ତ୍ରୀ ଆବାସ ଯୋଜନାରେ ବିଜେଡି ସରକାର ବହୁ ଦୁର୍ନୀତି କରୁଛନ୍ତି, ଆବାସ ଯୋଜନାରେ ଅର୍ଥ ହଡପ, ସାଂଗକୁ ପ୍ରକୃତ ହିତାଧିକାରୀଙ୍କୁ ଆବାସ ଯୋଜନାରେ ଅନ୍ତର୍ଭୁକ୍ତ ନ କରିବା, ଆଦି ବହୁ ଦୁର୍ନୀତି ହୋଇଥିବା ବିରୋଧରେ ବିଜେପି ତରଫରୁ ଗତ ଗୁରୁବାର ଦିନ ଅପରାହ୍ନ ୦୨.୦୦ ଘଟିକା ସମୟରେ ଗଞ୍ଜାମ ବ୍ଲକ କାର୍ଯ୍ୟାଳୟ ଏବଂ ଶୁକ୍ରବାର ଦିନ ପୂର୍ବାହ୍ନ ୧୧.୦୦ ଘଟିକା ସମୟରେ ସଦର ମହକୁମାସ୍ଥିତ ଛତ୍ରପୁର ବ୍ଲକ କାର୍ଯ୍ୟାଳୟକୁ ଘେରାଉ କରାଯାଇଥିଲା । ରାଜ୍ୟରେ ଏକ ଛତ୍ରବାଦ ଶାସନ ବିଜେଡି ସରକାର ବିରୋଧରେ ସ୍ୱର ଉଠାଇ ବିକ୍ଷୋଭ ପ୍ରଦର୍ଶନ କରିଥିଲେ । ରାଜ୍ୟ କାର୍ଯ୍ୟକାରିଣୀ ସଦସ୍ୟ ପ୍ରଶାନ୍ତ କରଙ୍କ ନେତୃତ୍ୱରେ ଛତ୍ରପୁର ନିର୍ବାଚନ ମଣ୍ଡଳୀର ସମସ୍ତ କାର୍ଯ୍ୟକର୍ତ୍ତା, ସମସ୍ତ ଜିଲ୍ଲା ଓ ରାଜ୍ୟ ପଦାଧିକାରୀ ଓ ସମସ୍ତ କୋର କମିଟିର ସଦସ୍ୟ ଓ ନେତୃବୃନ୍ଦ ପ୍ରମୁଖ ଶହଶ୍ରାଧିକ କର୍ମୀ ଓ ନେତୃବର୍ଗ ଏହି ବିକ୍ଷୋଭରେ ଅଂଶଗ୍ରହଣ କରିଥିଲେ ।