ନୂଆଦିଲ୍ଲୀ : ପାଞ୍ଚଟି ରାଜ୍ୟରେ ହେବାକୁ ଥିବା ବିଧାନସଭା ନିର୍ବାଚନରେ ବିଭିନ୍ନ ଦଳର ବହୁ ଭେଟେରାନ ପ୍ରାର୍ଥୀଙ୍କ ଭାଗ୍ୟ ଝୁଲି ରହିଛି । ଉତ୍ତରପ୍ରଦେଶରେ ପ୍ରଥମ ପର୍ଯ୍ୟାୟ ମତଦାନର ତାରିଖ ପାଖେଇ ଆସୁଥିବାରୁ ପ୍ରାର୍ଥୀମାନେ ନିର୍ବାଚନ ପ୍ରଚାରରେ କୌଣସି ଉପାୟକୁ ହାତଛଡ଼ା କରିବାକୁ ଚାହୁଁନାହାଁନ୍ତି । ଫେବୃଆରୀ ୧୦ରେ ୟୁପିରେ ପ୍ରଥମ ପର୍ଯ୍ୟାୟ ମତଦାନ ଅନୁଷ୍ଠିତ ହେବ ।
ଦେଶର ପାଞ୍ଚଟି ରାଜ୍ୟରେ ହେବାକୁ ଥିବା ବିଧାନସଭା ନିର୍ବାଚନ ପାଇଁ ପ୍ରଚାର ଚାଲିଛି । ଯେତିକି ପାଖେଇ ଆସୁଛି ନିର୍ବାଚନ ତିଥି, ସେତିକି ଘମାଘୋଟ ପ୍ରୟାସ ଜାରି ରହିଛି ପ୍ରାର୍ଥୀ ମାନଙ୍କର । ପ୍ରତ୍ୟେକ ଦିନ ସହିତ ବିଭିନ୍ନ ଦଳର ପ୍ରାର୍ଥୀମାନେ ସେମାନଙ୍କ ବିଜୟ ପାଇଁ ଜୋରଦାର ପ୍ରଚାର କରୁଛନ୍ତି । ଘରକୁ ଘରକୁ ଯାଇ ଭୋଟରଙ୍କୁ ସେମାନଙ୍କ ସପକ୍ଷରେ ଭୋଟ୍ ଦେବାକୁ ନିବେଦନ କରୁଛନ୍ତି । ଏଥି ସହିତ, ଦଳର କର୍ମୀମାନେ ନିର୍ବାଚନରେ ନିଜ ଦଳର ବିଜୟ ପାଇଁ ଦିନରାତି ବଳ କଷାକଷି ହେଉଛନ୍ତି । ୟୁପିରେ ମତଦାନ ଫେବୃଆରୀ ୧୦, ଫେବୃଆରୀ ୧୪, ଫେବୃଆରୀ ୨୦, ଫେବୃଆରୀ ୨୩, ଫେବୃଆରୀ ୨୭, ମାର୍ଚ୍ଚ ୩ ଏବଂ ମାର୍ଚ୍ଚ ୭ରେ ଅନୁଷ୍ଠିତ ହେବ । ମାର୍ଚ୍ଚ ୧୦ରେ ନିର୍ବାଚନ ଫଳାଫଳ ବାହାରିବ ।