ଲକ୍ଷ୍ନୌ : ଦ୍ୱିତୀୟ ପର୍ଯ୍ୟାୟ ମତଦାନ ଆଜି ଫେବୃଆରୀ ୧୪ ରେ ଉତ୍ତରପ୍ରଦେଶ ବିଧାନସଭାର ୯ଟି ଜିଲ୍ଲାର ୫୫ଟି ଆସନରେ ଅନୁଷ୍ଠିତ ହେଉଛି । ଏଥି ସହିତ ଆଜି ଉତ୍ତରାଖଣ୍ଡ ଏବଂ ଗୋଆର ସମସ୍ତ ଆସନରେ ଭୋଟ୍ ଗ୍ରହଣ ଚାଲିଛି । ସକାଳ ୭ ଟାରୁ ମତଦାନ ଆରମ୍ଭ ହୋଇଥିବା ବେଳେ ଏହା ସନ୍ଧ୍ୟା ୬ଟା ପର୍ଯ୍ୟନ୍ତ ଚାଲିବ । ଦ୍ୱିତୀୟ ପର୍ଯ୍ୟାୟରେ ଉତ୍ତରପ୍ରଦେଶର ୫୫ଟି ଆସନ ପାଇଁ ମୋଟ ୫୮୬ ଜଣ ପ୍ରାର୍ଥୀ ଅଛନ୍ତି । ଗତ ନିର୍ବାଚନରେ ଏହି ଆସନ ମଧ୍ୟରୁ ୩୮ଟି ବିଜେପି, ଦୁଇଟି କଂଗ୍ରେସ ଏବଂ ୧୫ଟି ଏସ୍ପି ହାତେଇଥିଲା । ଦ୍ୱିତୀୟ ପର୍ଯ୍ୟାୟ ନିର୍ବାଚନ ପାଇଁ ପ୍ରମୁଖ ଚେହେରା ହେଉଛି ଚାନ୍ଦୋଲିରୁ ଗୁଲାବ ଦେବୀ, ନାକୁରରୁ ଧରମ ସିଂ ସଇନି, ସ୍ୱାରରୁ ଅବଦୁଲ୍ଲା ଆଜମ, ରାମପୁରର ଆଜମ ଖାନ, ଶାହାଜାହାନପୁରରୁ ସୁରେଶ ଖାନ୍ନା ଏବଂ ଆମ୍ରୋହାରୁ ମେହବୁବ ଅଲି ସାମିଲ୍ ଅଛନ୍ତି ।