କରୋନାର ତୃତୀୟ ତରଙ୍ଗ ଦ୍ୱିତୀୟ ଅପେକ୍ଷା କେତେ ଭୟଙ୍କର ହେବ… ଆସନ୍ତୁ ଜାଣିବା ସ୍ୱାସ୍ଥ୍ୟ ମନ୍ତ୍ରଣାଳୟ କ’ଣ କହିଛି
ନୂଆଦିଲ୍ଲୀ : ସ୍ୱାସ୍ଥ୍ୟ ମନ୍ତ୍ରଣାଳୟର ଜଣେ ବରିଷ୍ଠ ଅଧିକାରୀ ବୁଧବାର କହିଛନ୍ତି ଯେ, ଯଦି ପ୍ରଭାବଶାଳୀ ରଣନୀତି ଏବଂ ଉପଯୁକ୍ତ କଟକଣା ପାଳନ କରାଯାଏ, ତେବେ ତୃତୀୟ ତରଙ୍ଗରେ ମାମଲା ସ୍ୱାସ୍ଥ୍ୟ ବ୍ୟବସ୍ଥା ଚାପରେ ପଡ଼ିବା ଭଳି ଭୟଙ୍କର ରୂପ ନେବନାହିଁ । ସ୍ୱାସ୍ଥ୍ୟ ମନ୍ତ୍ରଣାଳୟର ଯୁଗ୍ମ ସଚିବ ଲଭ ଅଗ୍ରୱାଲ କହିଛନ୍ତି ଯେ, ବର୍ତ୍ତମାନ ପର୍ୟ୍ୟନ୍ତ ଭାରତର ୨.୨ ପ୍ରତିଶତ ଲୋକ ଏହି ରୋଗରେ ଆକ୍ରାନ୍ତ ହୋଇଛନ୍ତି । ତଥାପି ବିପଦପୂର୍ଣ୍ଣ କିମ୍ବା ଅସୁରକ୍ଷିତ ଜନସଂଖ୍ୟାର ୯୭ ପ୍ରତିଶତ ଲୋକଙ୍କୁ ସୁରକ୍ଷା ଦେବା ପାଇଁ ଆମେ ସତର୍କ ରହିବା ଆବଶ୍ୟକ । ଆମେ ଆମର ସୁରକ୍ଷା ବ୍ୟବସ୍ଥା ହ୍ରାସ କରିପାରିବୁ ନାହିଁ, ତେଣୁ ପ୍ରତିରୋଧ ଉପରେ ଏକ ନିରନ୍ତର ଧ୍ୟାନ ଗୁରତ୍ୱପୂର୍ଣ୍ଣ ଅଟେ ।
ସେ କହିଛନ୍ତି, ଯଦି ଆମେ କରୋନାର ପ୍ରତିରୋଧ ଏବଂ ସଠିକ୍ ନିୟନ୍ତ୍ରଣକୁ ଅନୁସରଣ କରୁ, ତେବେ ତୃତୀୟ ତରଙ୍ଗ ଆସିଲେ ମଧ୍ୟ ମାମଲା ସଂଖ୍ୟା ଏତେ ଅଧିକ ହେବ ନାହିଁ ଯେ ସ୍ୱାସ୍ଥ୍ୟ ବ୍ୟବସ୍ଥା ଚାପରେ ରହିଛି । ଅଗ୍ରୱାଲ କହିଛନ୍ତି ଯେ ଆଂଟି-କୋଭିଡ୍ ଟୀକାକରଣ କାର୍ୟ୍ୟକ୍ରମରେ ସାମ୍ନା କରୁଥିବା ଏକ ଚାଲେଂଜ ହେଉଛି ଟୀକାକରଣ ପାଇଁ ଦ୍ୱିଧା । ଅଗ୍ରୱାଲ କହିଛନ୍ତି ଯେ କୋଭିଡ଼-୧୯ ଟିକା ବିଷୟରେ ସୋସିଆଲ ମିଡିଆରେ ଅପପ୍ରଚାର, ଗୁଜବ, ଭୁଲ ତଥ୍ୟ ହେତୁ ଅନେକ ହିତାଧିକାରୀ ବିଶେଷ କରି ଗ୍ରାମାଂଚଳ ତଥା ଆଦିବାସୀ ଅଂଚଳରେ ଏହି ଟିକା ନେଉନାହାନ୍ତି । ଅପପ୍ରଚାର ବନ୍ଦ କରିବା ଜରୁରୀ । ଭୂତାଣୁ ସଂକ୍ରମଣ ଶୃଙ୍ଖଳା ଭାଙ୍ଗିବାରେ ଉପଯୁକ୍ତ ଚିକିତ୍ସାର ଭୂମିକା ବିଷୟରେ ସମସ୍ତ ସମ୍ପ୍ରଦାୟ ସଜାଗ ରହିବା ବିଧେୟ ।