ଆବୁଧାବି : ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ସଂଯୁକ୍ତ ଆରବ ଏମିରେଟ୍ସ (ୟୁଏଇ) ରାଷ୍ଟ୍ରପତି ଶେଖ୍ ମହମ୍ମଦ ବିନ୍ ଜାୟେଦ୍ ଅଳ୍ ନହୟାନ୍ଙ୍କୁ ଭେଟିଛନ୍ତି । ଏହି ଅବସରରେ ମୋଦୀ ମେ’ ୧୩ରେ ପରଲୋକ ଘଟିଥିବା ଉପସାଗରୀୟ ରାଷ୍ଟ୍ରର ପୂର୍ବତନ ରାଷ୍ଟ୍ରପତି ଶେଖ୍ ଖଲିଫା ବିନ୍ ଜାୟେଦ୍ ଅଲ୍ ନହୟାନ୍ଙ୍କ ପାଇଁ ଶୋକବ୍ୟକ୍ତ କରିଥିଲେ । ଜର୍ମାନୀରେ ଜି-୭ ସମ୍ମିଳନୀରେ ଅତିଥି ଭାବେ ଯୋଗ ଦେବା ପରେ ମୋଦି ୟୁଏଇ ଅଭିମୁଖେ ଗସ୍ତ କରିଥିଲେ । ଆବୁଧାବି ପ୍ରେସିଡେନ୍ସିଆଲ ଏୟାରପୋର୍ଟରେ ଶେଖ ମହମ୍ମଦ ମୋଦୀଙ୍କୁ ସ୍ୱାଗତ କରିଥିଲେ । ଗତ ମାସରେ ଶେଖ ମହମ୍ମଦ ୟୁଏଇ ରାଷ୍ଟ୍ରପତି ହେବା ପରେ ଦୁଇ ନେତାଙ୍କ ମଧ୍ୟରେ ଏହା ପ୍ରଥମ ସାକ୍ଷାତ ।