ଏକ ଇନିସିଆଲ୍ ପବ୍ଲିକ୍ ଅଫର ମାଧ୍ୟମରେ ଷ୍ଟକ୍ ଏକ୍ସଚେଞ୍ଜରେ ଇଣ୍ଡିଆନ୍ ରିନୱେବଲ୍ ଏନର୍ଜି ଡେଭଲପମେଣ୍ଟ ଏଜେନ୍ସିକୁ ସାମିଲ କରିବା ପ୍ରସ୍ତାବକୁ କ୍ୟାବିନେଟ୍ ମଞ୍ଜୁରି
- ଏହା ମାଧ୍ୟମରେ ଆଇଆରଇଡିଏ ଦ୍ୱାରା ସରକାରୀ ଅଂଶଧନର କିଛି ଅଂଶ ବିକ୍ରି କରାଯିବ ତଥା ଫ୍ରେସ ଇକ୍ୟୁଟି ସେୟାର ମାଧ୍ୟମରେ ପାଣ୍ଠି ସଂଗ୍ରହ କରାଯିବ।
ନୂଆଦିଲ୍ଲୀ, (ପିଆଇବି) : ଏକ ଇନିସିଆଲ୍ ପବ୍ଲିକ୍ ଅଫର ମାଧ୍ୟମରେ ଇଣ୍ଡିଆନ୍ ରିନୱେବଲ୍ ଏନର୍ଜି ଡେଭଲପମେଣ୍ଟ ଏଜେନ୍ସି (ଆଇଆରଇଡିଏ)କୁ ଷ୍ଟକ୍ ଏକ୍ସଚେଞ୍ଜରେ ସାମିଲ କରିବା ଲାଗି ମାନ୍ୟବର ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଅଧ୍ୟକ୍ଷତାରେ ଅନୁଷ୍ଠିତ ଆର୍ଥିକ ବ୍ୟାପାର ସଂକ୍ରାନ୍ତ କ୍ୟାବିନେଟ କମିଟି (ସିସିଇଏ) ଦ୍ୱାରା ମଞ୍ଜୁରି ପ୍ରଦାନ କରାଯାଇଛି । ଆଇଆରଇଡିଏ ହେଉଛି ନୂତନ ଏବଂ ଅକ୍ଷୟ ଶକ୍ତି ମନ୍ତ୍ରଣାଳୟର ଏକ କେନ୍ଦ୍ରୀୟ ରାଷ୍ଟ୍ରାୟତ୍ତ ଉଦ୍ୟୋଗ । ସରକାରୀ ଅଂଶଧନର ବିକ୍ରୟ ଏବଂ ଫ୍ରେସ ଇକ୍ୱିଟି ଅଂଶଧନ ମାଧ୍ୟମରେ ଆଇଆରଇଡିଏ ପାଇଁ ପାଣ୍ଠି ସଂଗ୍ରହ କରାଯିବ । ଡିପାର୍ଟମେଣ୍ଟ ଅଫ୍ ଇନଭେଷ୍ଟମେଣ୍ଟ ଆଣ୍ଡ ପବ୍ଲିକ୍ ଆସେଟ୍ ମ୍ୟାନେଜମେଣ୍ଟ (ଡିଆଇପିଏଏମ୍) ଲିଷ୍ଟିଂ ପ୍ରକ୍ରିୟାକୁ ତ୍ବରାନ୍ବିତ କରିବ ।
ଆଇପିଓ ମାଧ୍ୟମରେ ବୁକ୍ ବିଲ୍ଡିଂ ଆଧାରରେ ଆଇଆରଇଡିଏ କୁ ୧୩.୯୦ କୋଟି ଫ୍ରେସ ଇକ୍ୱିଟି ସେୟାର ପ୍ରଦାନ କରିବାକୁ ଆଇଆରଇଡିଏ କୁ ଅନୁମତି ଦେବା ପାଇଁ ଏହି ନିଷ୍ପତ୍ତି ଜୁନ୍, ୨୦୧୭ ରେ ନିଆଯାଇଥିବା ସିସିଇଏ ନିଷ୍ପତ୍ତିକୁ ପରିବର୍ତ୍ତନ କରିଛି। ମାର୍ଚ୍ଚ, ୨୦୨୨ ରେ ସରକାରଙ୍କ ଦ୍ୱାରା ୧୫୦୦ କୋଟି ଟଙ୍କାର ନିବେଶ ପରେ ପୁଞ୍ଜି ନିବେଶର ଢାଞ୍ଚାରେ ପରିବର୍ତ୍ତନ ଯୋଗୁଁ ତତକ୍ଷଣାତ୍ ନିଷ୍ପତ୍ତି ଆବଶ୍ୟକ ହୋଇଛି ।
ଇନିସିଆଲ୍ ପବ୍ଲିକ୍ ଅଫର୍ (ଆଇପିଓ) ଗୋଟିଏ ପଟେ ସରକାରଙ୍କ ନିବେଶର ମୂଲ୍ୟକୁ ବୃଦ୍ଧି କରିବାରେ ସାହାଯ୍ୟ କରିବ ଏବଂ ଅନ୍ୟ ପଟେ ଜନସାଧାରଣଙ୍କୁ ଜାତୀୟ ସମ୍ପତ୍ତିରେ ଅଂଶଧନ ହାସଲ କରିବା ଏବଂ ସେଥିରୁ ଲାଭ ପାଇବା ପାଇଁ ଏକ ସୁଯୋଗ ପ୍ରଦାନ କରିବ । ଏହାବ୍ୟତୀତ, ଏହା ଆଇଆରଇଡିଏକୁ ରାଜକୋଷ ଉପରେ ନିର୍ଭର ନକରି ଅଭିବୃଦ୍ଧି ଯୋଜନା ପୂରଣ ପାଇଁ ଏହାର ପୁଞ୍ଜି ଆବଶ୍ୟକତାର ଏକ ଅଂଶ ବଢ଼ାଇବାରେ ସାହାଯ୍ୟ କରିବ ଏବଂ ଲିଷ୍ଟିଂର ଆବଶ୍ୟକତା ଏବଂ ପ୍ରକାଶନ ଦ୍ୱାରା ଅଧିକ ବଜାର ଅନୁଶାସନ ଏବଂ ସ୍ୱଚ୍ଛତା ମାଧ୍ୟମରେ ବ୍ୟବସ୍ଥାକୁ ଉନ୍ନତ କରିବ ।
ଆଇଆରଇଡିଏ ସମ୍ପ୍ରତି ଭାରତ ସରକାରଙ୍କର ଏକ ସମ୍ପୂର୍ଣ୍ଣ ମାଲିକାନା ବିଶିଷ୍ଟ ଏକ ସଂସ୍ଥା ଏବଂ ମିନି-ରତ୍ନା (ବର୍ଗ-୧) ସିପିଏସଇ ଯାହା ୧୯୮୭ରେ ଅନ୍ତର୍ଭୁକ୍ତ ଏବଂ ଭାରତରେ ଅକ୍ଷୟ ଶକ୍ତି (ଆରଇ) ଏବଂ ଶକ୍ତି ଦକ୍ଷତା (ଇଇ) ପ୍ରକଳ୍ପର ଆର୍ଥିକ ପୁଞ୍ଜିଲଗାଣ କାର୍ୟ୍ୟରେ ନିୟୋଜିତ । ଏହା ରିଜର୍ଭ ବ୍ୟାଙ୍କ ଅଫ୍ ଇଣ୍ଡିଆ (ଆରବିଆଇ) ସହିତ ଏକ ଅଣ ବ୍ୟାଙ୍କିଙ୍ଗ ଆର୍ଥିକ କମ୍ପାନୀ (ଏନବିଏଫସି) ଭାବରେ ପଞ୍ଜିକୃତ ହୋଇଛି। ଜଳବାୟୁ ପରିବର୍ତ୍ତନ ଉପରେ ପ୍ୟାରିସରେ ନ୍ୟାସନାଲି ଡିଟରମାଇନ୍ଡ କଣ୍ଟ୍ରିବ୍ୟୁସନ (ଏନଡିସି)ର ଏକ ଅଂଶ ଭାବରେ ସରକାର ଦେଇଥିବା ପ୍ରତିଶ୍ରୁତି ଅନୁଯାୟୀ ୨୦୨୨ ସୁଦ୍ଧା ୧୭୫ ଗିଗାୱାଟ ସ୍ଥାପିତ ଅକ୍ଷୟ ଶକ୍ତି କ୍ଷମତା ଏବଂ ୨୦୩୦ ସୁଦ୍ଧା ୫୦୦ ଅକ୍ଷୟ ଶକ୍ତି ହାସଲ କରିବାର ଲକ୍ଷ୍ୟ ସ୍ଥିର କରିଛନ୍ତି। ଅକ୍ଷୟ ଶକ୍ତି ଲକ୍ଷ୍ୟ ହାସଲ କରିବାରେ ଆଇଆରଇଡିଏର ଏକ ପ୍ରମୁଖ ଭୂମିକା ରହିଛି ।
ଭାରତ ସରକାରଙ୍କ ଅକ୍ଷୟ ଶକ୍ତି ଲକ୍ଷ୍ୟ ଅନୁଯାୟୀ ଆଇଆରଇଡିଏ ଦ୍ୱାରା ଅକ୍ଷୟ ଶକ୍ତି / ଶକ୍ତି ଦକ୍ଷତା ପ୍ରକଳ୍ପର କାର୍ୟ୍ୟକାରିତା ଏବଂ ଅପରେସନ ଉଭୟ କୁଶଳୀ ଏବଂ ଅଣକୁଶଳୀ ମାନବ ସମ୍ବଳ ପାଇଁ ପ୍ରତ୍ୟକ୍ଷ ଏବଂ ପରୋକ୍ଷ ନିଯୁକ୍ତି ସୁଯୋଗ ସୃଷ୍ଟି କରିବାରେ ସାହାଯ୍ୟ କରିବ ।