- ଡିଏଫ୍ପିଡି ପକ୍ଷରୁ ହିତାଧିକାରୀଙ୍କ ସହ ଏକ ବୈଠକରେ ଖାଇବା ତେଲର ସମୀକ୍ଷା କରାଯାଇଛି
ଦିଲ୍ଲୀ, (ପିଆଇବି) : ଖାଇବା ତେଲର ମୂଲ୍ୟ ହ୍ରାସ ଶୀଘ୍ର ଗ୍ରାହକଙ୍କୁ ମିଳିବା ଉଚିତ ବୋଲି ଡିଏଫପିଡି ସଚିବ ସଞ୍ଜୀବ ଚୋପ୍ରା ଆଜି ଏଠାରେ ଅଗ୍ରଣୀ ଶିଳ୍ପ ପ୍ରତିନିଧିଙ୍କ ସହ ଏକ ବୈଠକରେ କହିଛନ୍ତି ।
ଆମଦାନୀ ହେଉଥିବା ଖାଇବା ତେଲର ଆନ୍ତର୍ଜାତୀୟ ମୂଲ୍ୟ ହ୍ରାସ ପାଇବାରେ ଲାଗିଛି ଯାହା ଭାରତରେ ଖାଇବା ତେଲ କ୍ଷେତ୍ରରେ ସକାରାତ୍ମକ ଭାବେ ପ୍ରତିଫଳିତ ହୋଇଛି । ସୋଲଭେଣ୍ଟ ଏକ୍ସଟ୍ରାକସନ୍ ଆସୋସିଏସନ୍ ଅଫ୍ ଇଣ୍ଡିଆ (ଏସ୍ଇଏଆଇ) ଏବଂ ଇଣ୍ଡିଆନ ଭେଜିଟେବୁଲ ଅଏଲ ପ୍ରଡ୍ୟୁସର୍ସ ଆସୋସିଏସନ (ଆଇଭିପିଏ) ର ପ୍ରତିନିଧୀମାନେ ଆର୍ନ୍ତଜାତୀୟ ସ୍ତରରେ ମୂଲ୍ୟ ହ୍ରାସ ପରିଲକ୍ଷିତ ହୋଇଥିବାରୁ ଖାଇବା ତେଲର ଖୁଚୁରା ମୂଲ୍ୟରେ ଅଧିକ ହ୍ରାସ ବିଷୟରେ ଆଲୋଚନା କରିଥିଲେ ।
ଶିଳ୍ପ ପକ୍ଷରୁ ସୂଚନା ଦିଆଯାଇଛି ଯେ ଗତ ଦୁଇ ମାସ ମଧ୍ୟରେ ବିଭିନ୍ନ ଖାଇବା ତେଲର ଆର୍ନ୍ତଜାତୀୟ ମୂଲ୍ୟ ଟନ୍ ପିଛା ୨୦୦ ରୁ ୨୫୦ ଡଲାର ହ୍ରାସ ପାଇଛି, କିନ୍ତୁ ଖୁଚୁରା ବଜାରରେ ଏହା ପ୍ରତିଫଳିତ ହେବାକୁ ସମୟ ଲାଗିଥାଏ ଏବଂ ଖୁଚୁରା ମୂଲ୍ୟ ଖୁବ୍ ଶୀଘ୍ର ହ୍ରାସ ପାଇବ ବୋଲି ଆଶା କରାଯାଉଛି ।
ଅଗ୍ରଣୀ ଖାଇବା ତେଲ ସଂଘକୁ ତୁରନ୍ତ ସେମାନଙ୍କ ସଦସ୍ୟଙ୍କ ସହ ଆଲୋଚନା କରିବାକୁ ଏବଂ ଯଥାଶୀଘ୍ର ତେଲର ଆନ୍ତର୍ଜାତୀୟ ମୂଲ୍ୟରେ ହ୍ରାସ ଆଧାରରେ ପ୍ରତ୍ୟେକ ତେଲର ଏମଆରପି ହ୍ରାସ ସୁନିଶ୍ଚିତ କରିବାକୁ ପରାମର୍ଶ ଦିଆଯାଇଥିଲା । ପ୍ରାଇସ ଟୁ ଡିଷ୍ଟ୍ରିବ୍ୟୁଟର୍ସ (ପିଟିଡି), ପ୍ରସ୍ତୁତକାରୀ ଏବଂ ରିଫାଇନର୍ସଙ୍କ ଦ୍ୱାରା ମୂଲ୍ୟ ମଧ୍ୟ ତୁରନ୍ତ ପ୍ରଭାବ ସହିତ ହ୍ରାସ କରାଯିବା ଆବଶ୍ୟକ, ଯାହାଫଳରେ ମୂଲ୍ୟ ହ୍ରାସ କୌଣସି ପ୍ରକାରେ ବ୍ୟତିକ୍ରମ ପରିଲକ୍ଷିତ ହେବନାହିଁ ।
ଏହା ମଧ୍ୟ କୁହାଯାଇଥିଲା ଯେ ଯେତେବେଳେ ବି ଉତ୍ପାଦନକାରୀ / ରିଫାଇନର୍ସ ଦ୍ୱାରା ବିତରକମାନଙ୍କୁ ମୂଲ୍ୟ ହ୍ରାସ କରାଯାଏ, ସେତେବେଳେ ମିଳୁଥିବା ଲାଭ ଶିଳ୍ପ ଦ୍ୱାରା ଗ୍ରାହକମାନଙ୍କୁ ଦିଆଯିବା ଉଚିତ ଏବଂ ଏହି ବିଭାଗକୁ ନିୟମିତ ଭାବେ ଅବଗତ କରାଯାଇପାରିବ । ଯେଉଁ କମ୍ପାନୀ ସେମାନଙ୍କର ମୂଲ୍ୟ ହ୍ରାସ କରିନାହାଁନ୍ତି ଏବଂ ସେମାନଙ୍କର ଏମଆରପି ଅନ୍ୟ ବ୍ରାଣ୍ଡ ତୁଳନାରେ ଅଧିକ, ସେମାନଙ୍କ ମୂଲ୍ୟ ହ୍ରାସ କରିବାକୁ ମଧ୍ୟ ପରାମର୍ଶ ଦିଆଯାଇଛି ।
ଏହି ବୈଠକରେ ମୂଲ୍ୟ ତଥ୍ୟ ସଂଗ୍ରହ ଏବଂ ଖାଇବା ତେଲର ପ୍ୟାକେଜିଂ ଭଳି ଅନ୍ୟାନ୍ୟ ପ୍ରସଙ୍ଗ ଉପରେ ମଧ୍ୟ ଆଲୋଚନା କରାଯାଇଥିଲା ।
ଏହା ପୂର୍ବରୁ, ଅଗ୍ରଣୀ ଖାଇବା ତେଲ ସଙ୍ଗଠନଗୁଡିକ ସହିତ ବିଭାଗର ବୈଠକ ଆଧାରରେ ଶିଳ୍ପସଂସ୍ଥା ଦ୍ୱାରା ସୂର୍ଯ୍ୟମୁଖୀ ତେଲ, ସୋୟାବିନ୍ ତେଲ ଏବଂ ସୋରିଷ ତେଲ ଭଳି ଖାଇବା ତେଲର ଏମଆରପି ହ୍ରାସ କରାଯାଇଥିଲା । ଆନ୍ତର୍ଜାତୀୟ ଖାଇବା ତେଲ ମୂଲ୍ୟ ହ୍ରାସ ପରେ ଏବଂ ଖାଇବା ତେଲ ଉପରେ ଆମଦାନୀ ଶୁଳ୍କ ହ୍ରାସ ହେବା ପରେ ଖାଇବା ତେଲର ଦର କମିଥିଲା । ହ୍ରାସ ହୋଇଥିବା ଡ୍ୟୁଟି ହ୍ରାସର ସମ୍ପୂର୍ଣ୍ଣ ଲାଭ ଗ୍ରାହକଙ୍କୁ ଦିଆଯିବା ନିଶ୍ଚିତ କରିବାକୁ ଶିଳ୍ପସଂସ୍ଥାଙ୍କୁ ପରାମର୍ଶ ଦିଆଯାଇଥିଲା ।
ଖାଇବା ତେଲ ମୂଲ୍ୟ ହ୍ରାସ ଧାରା ଦେଖାଇବା ଆରମ୍ଭ କରିବା ସହ ଖାଇବା ତେଲ ଶିଳ୍ପ ଦ୍ୱାରା ଅଧିକ ହ୍ରାସ ହେବାକୁ ଯାଉଥିବାରୁ ଭାରତୀୟ ଗ୍ରାହକମାନେ ସେମାନଙ୍କ ଖାଇବା ତେଲ କମ୍ ଦରରେ କିଣିବାର ଆଶା କରିପାରନ୍ତି । ଖାଇବା ତେଲ ଦର ହ୍ରାସ ହେବା ସହିତ ମୁଦ୍ରାସ୍ଫୀତିକୁ ହ୍ରାସ କରିବାରେ ସାହାଯ୍ୟ କରିବ ।
ଖାଦ୍ୟ ଏବଂ ସାଧାରଣ ବଣ୍ଟନ ବିଭାଗ ଦେଶରେ ଖାଇବା ତେଲର ମୂଲ୍ୟ ଉପରେ ତୀକ୍ଷ୍ଣ ନଜର ରଖିଥାଏ ଏବଂ ସମୀକ୍ଷା କରିଥାଏ ଏବଂ ଖାଇବା ତେଲର ସୁଲଭତାକୁ ନିଶ୍ଚିତ କରିବା ପାଇଁ ଯେକୌଣସି ହସ୍ତକ୍ଷେପ ଆବଶ୍ୟକ କରିଥାନ୍ତି ଯାହା ଲୋକଙ୍କ ଖାଦ୍ୟର ଏକ ଗୁରୁତ୍ୱପୂର୍ଣ୍ଣ ଅଂଶ ଅଟେ । ଅଧିକ ଆମଦାନୀ ଏବଂ ପରିବହନ ମୂଲ୍ୟ ସହିତ ଅନେକ ବିଶ୍ୱସ୍ତରୀୟ କାରଣ ଯୋଗୁଁ ଖାଇବା ତେଲର ଆନ୍ତର୍ଜାତିକ ଏବଂ ଘରୋଇ ମୂଲ୍ୟ ୨୦୨୧-୨୨ ମଧ୍ୟରେ ବୃଦ୍ଧି ପାଇଥିଲା ।
ତେବେ ଆନ୍ତର୍ଜାତୀୟ ବଜାରରେ ଖାଇବା ତେଲ ମୂଲ୍ୟ ହ୍ରାସ ପାଇବାରେ ଲାଗିଛି । ଖାଇବା ତେଲର ମୂଲ୍ୟ ହ୍ରାସ ଘରୋଇ ବଜାରରେ ଧୀରେ ଧୀରେ ପ୍ରତିଫଳିତ ହେଉଛି ଯାହା ଗ୍ରାହକଙ୍କ ପାଇଁ ଆଶ୍ୱସ୍ତି ଆଣିଦେଇଛି ।