ରାୟପୁର : ପଞ୍ଜାବ ବିଧାନସଭା ନିର୍ବାଚନରେ ଏକ ଐତିହାସିକ ବିଜୟ ଏବେ ଆମ୍ ଆଦମୀ ପାର୍ଟିର ଆଖି ଛତିଶଗଡ ଉପରେ ରହିଛି । ଟିମ୍ କେଜ୍ରିୱାଲଙ୍କ ମୁହଁ ଏବେ ଛତିଶଗଡ ଆଡ଼କୁ । ଛତିଶଗଡରେ ସରକାର ଗଠନ ପାଇଁ ଟିମ୍ କେଜ୍ରିୱାଲ ସ୍ୱପ୍ନ ଦେଖୁଛନ୍ତି । ଏହି କାରଣରୁ ଆପ୍ ଛତିଶଗଡରେ ପଞ୍ଜାବର ବିଜୟ ଉତ୍ସବ ପାଳନ କରିବାକୁ ଯାଉଛି । ମିଳିଥିବା ସୂଚନା ଅନୁଯାୟୀ ଅରବିନ୍ଦ କେଜ୍ରିୱାଲ କ୍ୟାବିନେଟ ମନ୍ତ୍ରୀ ଗୋପାଳ ରାୟ ୨୦ ମାର୍ଚ୍ଚରେ ରାୟପୁରରେ ପହଞ୍ଚୁଛନ୍ତି । ଆମ୍ ଆଦମୀ ପାର୍ଟୀ ୨୧ ମାର୍ଚ୍ଚରେ ରାୟପୁରରେ ପଞ୍ଜାବ ବିଜୟ ଯାତ୍ରା କରିବେ ।
ଆମ୍ ଆଦମୀ ପାର୍ଟି ସହ ଜଡିତ ସୂତ୍ରରୁ ପ୍ରକାଶ ଯେ, ଛତିଶଗଡର ପ୍ରତ୍ୟେକ ବିଧାନସଭାରେ ଦଳ ସର୍ଭେ କାର୍ୟ୍ୟ ଆରମ୍ଭ କରିଛି । ପଞ୍ଜାବର ବିଜୟ ପରେ ରାଜନୈତିକ ଆକାଂକ୍ଷା ଥିବା ଲୋକମାନେ ଆମ୍ ଆଦମୀ ପାର୍ଟିରେ ଯୋଗଦେବା ପାଇଁ ଯୋଗାଯୋଗ କରୁଥିବା ବେଳେ କଂଗ୍ରେସ ଏବଂ ବିଜେପିରେ ଦୀର୍ଘ ସମୟ ବିତିଇଥିବା କିଛି ବଡ ବଡ଼ ନେତା, ପୂର୍ବତନ ବିଧାୟକଙ୍କ ନିକଟରେ ପହଂଚିବାକୁ ଚେଷ୍ଟା କରୁଛନ୍ତି ଟିମ୍ କେଜ୍ରିୱାଲ । ମିଳିଥିବା ସୂଚନା ଅନୁଯାୟୀ, ରାଜ୍ୟର ସମସ୍ତ ବିଭାଗରେ ଡାକ୍ତର, ଇଞ୍ଜିନିୟର୍, ପୂର୍ବତନ ଆଇଏଏସ୍, ଆଇପିଏସ୍, ଆଇନଜୀବୀ, ସାମାଜିକ କର୍ମୀ ଏବଂ ଯୁବକମାନଙ୍କୁ ସଂଯୋଗ କରିବା ପାଇଁ ଆପ୍ କାର୍ୟ୍ୟ ଆରମ୍ଭ କରିସାରିଛି । ଅନ୍ୟ ଦଳରୁ ଅଭିଜ୍ଞ ନେତାଙ୍କ ବ୍ୟତୀତ ଦଳ ଏହି ଲୋକଙ୍କ ସାହାଯ୍ୟରେ ଛତିଶଗଡରେ ଭାଗ୍ୟ ପରୀକ୍ଷା କରିବାକୁ ଚାହିଁବ ।