୧୦୦ତମ ଜନ୍ମ ଦିବସରେ ନିଜ ମା’ଙ୍କୁ ଭେଟିବେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ
ନୂଆଦିଲ୍ଲୀ : ଆସନ୍ତାକାଲି ଅର୍ଥାତ ଜୁନ୍ ୧୮ ତାରିଖ ହେଉଛି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ମା’ ହୀରାବାଙ୍କ ୧୦୦ତମ ଜନ୍ମ ଦିବସ । ଶନିବାର ପ୍ରଧାନମନ୍ତ୍ରୀ ମୋଦୀ ଗାନ୍ଧୀନଗରଠାରେ ତାଙ୍କ ମା’ଙ୍କୁ ଭେଟିବାକୁ ଯିବାର ସମ୍ଭାବନା ରହିଛି । ଯେଉଁଠସି ବୁଧବାର ତାଙ୍କ ନାମରେ ଏକ ରାସ୍ତାର ନାମକରଣ ହୋଇଛି । ଗାନ୍ଧୀନଗର ମେୟର ହିତେଶ ମକ୍ୱାନା କହିଛନ୍ତି ଯେ, ରୋସାନ ଅଞ୍ଚଳରେ ଏକ ୮୦ ମିଟର ରାସ୍ତାର ନାମକରଣ କରାଯାଇଛି । ‘ପୂଜ୍ୟା ହୀରାବା ମାର୍ଗ’ ଯାହା ଦ୍ୱାରା ଆଗାମୀ ପିଢି ତାଙ୍କ ଜୀବନରୁ ପ୍ରେରଣା ଲାଭ କରି ପାରିବେ । ବଡନଗର ସ୍ଥିତ ହଟକେଶ୍ୱର ମହାଦେବ ମନ୍ଦିର ତରଫରୁ ମଧ୍ୟ ପ୍ରଧାନମନ୍ତ୍ରୀଙ୍କ ମାଆଙ୍କ ୧୦୦ତମ ଜନ୍ମ ଦିବସ ଅବସରରେ ଏକ କାର୍ଯ୍ୟକ୍ରମ ଆୟୋଜନ କରାଯାଇଛି । ମୋଦୀ ଶନିବାର ଗୁଜୁରାଟ ଗୌରବ ଅଭିଯାନରେ ଯୋଗ ଦେବା ପାଇଁ ବଡୋଦରା ଯିବେ । ଏଥିସହ ସେ ରେଳବାଇର ୧୬ ହଜାର ୩୬୯ କୋଟି ଟଙ୍କା ଅଟକଳର ୧୮ ଟି ପ୍ରକଳ୍ପ ଶିଳାନ୍ୟାସ/ଉଦ୍ଘାଟନ କରିବେ ।