କୋଲକାତା : ପଶ୍ଚିମବଙ୍ଗ ମିଦନାପୁର ଅଞ୍ଚଳରେ ଏକ ହାତୀ ଗଭୀର ଗର୍ତ୍ତରେ ଖସିପଡିଥିବା ବେଳେ ହାତୀକୁ ବନ ବିଭାଗ କର୍ମଚାରୀ ସୁରକ୍ଷିତ ଭାବେ ଉଦ୍ଧାର କରିଥିବା ଜଣାପଡିଛି । ସୂଚନା ଅନୁସାରେ ପଶ୍ଚିମବଙ୍ଗ ମିଦନାପୁର ଅଞ୍ଚଳରେ ଏକ ହାତୀ ଗଭୀର ଗର୍ତ୍ତରେ ଖସିପଡିଥିଲା । ଫଳରେ ସେ ଯେତେ ଚେଷ୍ଟା କରିଥିଲେ ମଧ୍ୟ ଉପରକୁ ଉଠି ପାରିନଥିଲା । ଏତିକି ବେଳେ ହାତୀକୁ ବଞ୍ଚାଇବା ପାଇଁ ବନ ବିଭାଗର ଏକ ଟିମ୍ ଘଟଣାସ୍ଥଳରେ ପହଞ୍ଚିଥିଲା । ସେମାନେ ହାତୀକୁ ଉଦ୍ଧାର କରିବା ପାଇଁ ଆର୍କିମିଡିସ୍ ସିଦ୍ଧାନ୍ତ ଲାଗୁ କରିଥିଲେ । ବନ କର୍ମଚାରୀମାନେ ହାତୀ ଖସିପଡ଼ିଥିବା ଗର୍ତ୍ତରେ ପାଣି ଢ଼ାଳି ଭର୍ତ୍ତି କରିଦେଇଥିଲେ । ଯାହା ଦ୍ୱାରା ହାତୀ ଉପରକୁ ଆସିବା ପାଇଁ ଚେଷ୍ଟା କରିଥିଲା । ଏହାପରେ ହାତୀକୁ ଏକ ରଶି ସାହାଯ୍ୟରେ ଉଦ୍ଧାର କରିବାରେ ସଫଳ ହୋଇଥିଲା ବନ ବିଭାଗ ।