ନୂଆଦିଲ୍ଲୀ : ବିହାର ବିଧାନସଭା ନିର୍ବାଚନ ସହ ଜଡିତ ଶନିବାର ଦିନ ହୋଇଥିବା ଏକଜିଟ୍ ସର୍ଭେ ଅନୁଯାୟୀ, ଆରଜେଡି ନେତୃତ୍ୱାଧୀନ ବିରୋଧୀ ମହାସଂଘ ଶାସକ ଏନଡିଏ ଉପରେ ସଫଳତା ହାସଲ କରିବାକୁ ଯାଉଛି । ଅନ୍ତତ ତିନି ପକ୍ଷେ ତିନିଟି ଏକଜିଟ୍ ପୋଲରେ ସ୍ପଷ୍ଟ ସଂଖ୍ୟା ଗରିଷ୍ଠତା ହାସଲ କରିବାକୁ ଗ୍ରାଣ୍ଡ ଆଲାଇନ୍ସର ଆକଳନ କରାଯାଇଛି । ଏହି ମହାସଂଘ ଆରଜେଡି ନେତା ତେଜସ୍ୱୀ ଯାଦବଙ୍କୁ ମୁଖ୍ୟମନ୍ତ୍ରୀ ପ୍ରାର୍ଥୀ ଘୋଷରା କରିଛି । ଅଧିକାଂଶ ଏକଜିଟ୍ ସର୍ଭେରେ ବିହାର ମୁଖ୍ୟମନ୍ତ୍ରୀ ନୀତୀଶ କୁମାରଙ୍କ ନେତୃତ୍ୱାଧୀନ ଜେଡି(ୟୁ)ର ସଂଖ୍ୟା କମିବା ନେଇ ରିପୋର୍ଟ ଆସୁଛି । ଆରଜେଡି ୨୪୩ ସଦସ୍ୟ ବିଶିଷ୍ଟ ବିଧାନସଭାରେ ଏକକ ବୃହତ୍ତମ ଦଳ ଭାବରେ ଉଭା ହେବାର ପୂର୍ବାନୁମାନ କରାଯାଇଛି ।
ବିହାର ବିଧାନସଭା ନିର୍ବାଚନ ପାଇଁ ମତଦାନ ଶନିବାର ଶେଷ ହୋଇଥିଲା ଏବଂ ଭୋଟ୍ ଗଣନା ୧୦ ନଭେମ୍ବରରେ ହେବ । ଏକଜିଟ୍ ପୋଲ୍ ସାଧାରଣତ କେତେକ ଅଞ୍ଚଳର ସୀମିତ ଭୋଟରଙ୍କ ମତାମତ ଉପରେ ଆଧାରିତ ଏବଂ ସେମାନଙ୍କ ମଧ୍ୟରୁ ୧୦୦ ପ୍ରତିଶତ ସଠିକତା ରେକର୍ଡ ନାହିଁ । ଏଣୁ ଏହା ଏକ ଅନୁମାନ ମାତ୍ର ବୋଲି ମଧ୍ୟ କୁହାଯାଇପାରେ ।
ଟୁ ଡେ଼ ଚାଣକ୍ୟ-ସିଏନ୍ଏନ୍ ନ୍ୟୁଜ୍ ୧୮ ର ଏକଜିଟ୍ ପୋଲରେ ଆରଜେଡି ନେତୃତ୍ୱାଧୀନ ଗ୍ରାଣ୍ଡ ଆଲାଇନ୍ସକୁ ୧୮୦ ଟି ସିଟ୍ ଏବଂ ଏନଡିଏ ୫୫ ଏବଂ ଅନ୍ୟ ମାନଙ୍ଙ୍କୁ ଆଠଟି ସିଟ୍ ମିଳିବ ବୋଲି ଆକଳନ କରାଯାଇଛି । ସୂଚନାଯୋଗ୍ୟ ଯେ ସଂଖ୍ୟାଗରିଷ୍ଠତା ପାଇଁ ୧୨୨ ଟି ସିଟ୍ ଆବଶ୍ୟକ । ଇଣ୍ଡିଆ ଟୁଡେ-ଆକ୍ସିସ୍ ମାଇ ଇଣ୍ଡିଆର ଏକଜିଟ୍ ପୋଲ୍ ଅନୁଯାୟୀ ମହାସଂଘକୁ ୧୩୯-୧୬୧ ସିଟ୍ ଏବଂ ଏନଡିଏ ୬୯-୯୧ ମିଳିବା ନେଇ ଆକଳନ କରାଯାଇଛି । ଏହା ବ୍ୟତୀତ ଏଲ୍ଜେପି ରେ ୩-୫ ସିଟ୍ ଏବଂ ଅନ୍ୟମାନେ ୩-୫ ସିଟ୍ ପାଇଁ ଆକଳନ କରାଯାଇଛି ।
ଏବିପି-ସି ଭୋଟର ଏକ୍ଜିଟ୍ ପୋଲ୍ ଅନୁଯାୟୀ, ଏନଡିଏ ୧୦୪-୧୨୮ ସିଟ୍ ଏବଂ ବିରୋଧୀ ମହାସଂଘ ୧୦୮-୧୩୧ ସିଟ୍ ପାଇପାରିବ । ଚିରାଗ ପାସୱାନଙ୍କ ନେତୃତ୍ୱାଧୀନ ଏଲ୍ଜେପି ୧-୩ ଆସନ ପାଇବ ବୋଲି ଆକଳନ କରାଯାଇଛି । ଟାଇମ୍ସ ନ୍ୟୁ-ସିଭୋଟର୍ ଅନୁଯାୟୀ, ଏନଡିଏ ୧୧୬ ଟି ଆସନ, ବିରୋଧୀ ଗ୍ରାଣ୍ଡ ଆଲାଏନ୍ସ ୧୨୦ ଏବଂ ଏଲଜେପି ପାଇପାରେ । ରିପବ୍ଲିକ୍ ଟିଭି-ଜନ କି ବାତ୍ଙ୍କ ଏକଜିଟ୍ ପୋଲ୍ ମଧ୍ୟ ଆରଜେଡି ନେତୃତ୍ୱାଧୀନ ମିଳିତ ମଞ୍ଚକୁ ୧୨୮ ସିଟ୍ ବିଶିଷ୍ଟ ସ୍ପଷ୍ଟ ସଂଖ୍ୟା ଗରିଷ୍ଠତା ଦେଇଥିବା ବେଳେ ଶାସକ ଏନଡିଏ ୧୦୪ ଟି ସିଟ୍ ଏବଂ ଏଲ୍ଜେପି ସାତୋଟି ସିଟ୍ ପାଇବ ବୋଲି ଆକଳନ କରାଯାଇଛି ।
ଟିଭି୯ ଭାରତବର୍ଷ ଏନଡିଏ ପାଇଁ ୧୧୫ ଟି ସିଟ୍, ଗ୍ରାଣ୍ଡ ଆଲାଇନ୍ସ ପାଇଁ ୧୨୦ ଟି ସିଟ୍ ଏବଂ ଏଲ୍ଜେପି ଏବଂ ଅନ୍ୟମାନଙ୍କ ପାଇଁ ଚାରିଟି ସିଟ୍ ଆକଳନ କରିଛି । ଭୋଟ୍ ଦୃଷ୍ଟିରୁ ଟୁ ଡେ଼ ଚାଣକ୍ୟ ବିରୋଧୀ ଦଳ ପାଇଁ ୪୪ ପ୍ରତିଶତ ଏବଂ ଏନଡିଏ ପାଇଁ ୩୪ ପ୍ରତିଶତ ଭୋଟ୍ ଦେଇଛନ୍ତି । ତେବେ, ଏବିପି-ସି ଭୋଟର ଏନଡିଏ ପାଇଁ ୩୭.୭ ପ୍ରତିଶତ, ଗ୍ରାଣ୍ଡ ଆଲାଇନ୍ସ ପାଇଁ ୩୬.୩ ପ୍ରତିଶତ ଏବଂ ଅନ୍ୟମାନଙ୍କ ପାଇଁ ୨୬ ପ୍ରତିଶତ ଭୋଟ୍ ଆକଳନ କରିଛି ।
ଇଣ୍ଡିଆ ଟୁଡେ-ଆକ୍ସି ମାଇ ଇଣ୍ଡିଆ ସର୍ଭେରେ ୪୪% ଲୋକ ତେଜସ୍ୱୀ ଯାଦବଙ୍କୁ ପରବର୍ତ୍ତୀ ମୁଖ୍ୟମନ୍ତ୍ରୀ ଭାବରେ ପସନ୍ଦ କରୁଥିବା ବେଳେ ୩୫% ନୀତୀଶ କୁମାରଙ୍କୁ ଆଉ ଏକ ସୁଯୋଗ ଦେବାକୁ ଜିଦ୍ ଧରିଛନ୍ତି । ଏହା ଆକଳନ ରହିଛି ଯେ, ଆରଜେଡି ନେତୃତ୍ୱାଧୀନ ମିଳିତ ମଞ୍ଚ ୪୪ ପ୍ରତିଶତ ଏବଂ ଏନଡିଏ ୩୯ ପ୍ରତିଶତ ପାଇବ । ୨୦୧୫ ରେ ଅନୁଷ୍ଠିତ ଶେଷ ବିଧାନସଭା ନିର୍ବାଚନରେ ଆରଜେଡି ୧୮ ପ୍ରତିଶତ ଭୋଟ୍ ସହ ୮୦ ଟି ସିଟ୍ ଜିତିଥିବା ବେଳେ ଜେଡି (ୟୁ) ୧୧ ପ୍ରତିଶତ ଭୋଟ୍ ସହିତ ୭୧ ଟି ସିଟ୍ ଜିତିଛି । ୨୪ ପ୍ରତିଶତ ଭୋଟ୍ ସହିତ ବିଜେପି ୫୩ ଟି ସିଟ୍ ଜିତିଥିଲା ଏବଂ କଂଗ୍ରେସ ୨୭ ଟି ସିଟ୍ ପାଇ ସାତ ପ୍ରତିଶତ ଭୋଟ୍ ପାଇଥିଲା ।