ନୂଆଦିଲ୍ଲୀ : ଗୁଜୁରାଟ ଉପକୂଳରେ ଅବସ୍ଥିତ ଡୁମାସ୍ ବିଚ୍ । ଡୁମାସ୍ ବିଚ୍ ସବୁବେଳେ ଚର୍ଚ୍ଚାରେ ଥାଏ । ବିଶେଷ କରି ପର୍ୟ୍ୟଟକଙ୍କ ପାଇଁ । କାରଣ ଅଧିକ ପର୍ୟ୍ୟଟକ ଏହି ବେଳାଭୂମିକୁ ଉପଭୋଗ କରିବାକୁ ଯାଆନ୍ତି । କିନ୍ତୁ ସ୍ଥାନୀୟ ଲୋକଙ୍କ କଥା ଶୁଣିବା ପରେ ଉପଭୋଗ ମଜା ଛାଡିଯାଏ । ସ୍ଥାନୀୟ ଲୋକଙ୍କ କହିବାନୁସାରେ, ଏହି ଜାଗାରେ ଚିଛି ଆତ୍ମା ବାସ କରନ୍ତି । ଯଦି କିଏ ସୂର୍ୟ୍ୟ ଅସ୍ତ ହେବା ପରେ ଏହି ସମୁଦ୍ର କୂଳକୁ ଯାଆନ୍ତି, ତେବେ ଆପଣ ଚିତ୍କାରର ଶବ୍ଦ ଶୁଣିବେ ।
ଡୁମାସ୍ ବିଚ୍ ସୁରଟ ଠାରୁ ୨୧ କିଲୋମିଟର ଦୂରରେ ଅବସ୍ଥିତ । ଏଠାରେ ଥିବା ବାଲି ଧଳା ନୁହେଁ, ବରଂ କଳା । ଲୋକମାନେ ବିଶ୍ୱାସ କରନ୍ତି ଯେ, କିଛି ଶତାବ୍ଦୀ ପୂର୍ବରୁ ଭୂତମାନେ ଏଠାରେ ସେମାନଙ୍କର ଗଡ଼ ତିଆରି କରିଥିଲେ ଏବଂ ସେଥିପାଇଁ ଏଠାରେ ବାଲି କଳା ହୋଇଗଲା । ଗୋଟିଏ ବିଷୟ ହେଲା, ଏଠାରେ ଶବ ଦାହ ହୁଏ । ଲୋକମାନେ ବିଶ୍ୱାସ କରନ୍ତି ଯେଉଁମାନେ ପରିତ୍ରାଣ ହାସଲ କରନ୍ତି ନାହିଁ କିମ୍ବା ଅକାଳରେ ମରନ୍ତି, ସେମାନଙ୍କ ଆତ୍ମା ଏହି ଠାରେ ରହେ । ଜଣେ ଅନୁଭବୀ କହିଛନ୍ତି, “ମୁଁ ଡୁମାସ୍ ବିଚ୍କୁ ମାତ୍ର ଦୁଇଥର ଯାଇଥିଲି । ରାତିରେ ମୁଁ ମୋର ସାଙ୍ଗମାନଙ୍କ ସହିତ ସେଠାରେ ଟିକିଏ ସମୟ ବିତାଇଥିଲି ପ୍ରଥମ ଥର ପାଇଁ । ଯେତେବେଳେ ମୁଁ ରାତି କଟାଇଲି, ମୋତେ ଲାଗିଲା ଯେ ସମୁଦ୍ର କୂଳରେ ବସି କେହି ଜଣେ କାନ୍ଦୁଛି । ଏକ କାନ୍ଦୁଥିବା ଶବ୍ଦ ଶୁଣାଗଲା । ଯେହେତୁ ଆମେ ଏହି ସ୍ଥାନ ବିଷୟରେ ଶୁଣି ସାରିଥିଲୁ, ସଙ୍ଗେ ସଙ୍ଗେ ସେଠାରୁ ଫେରି ଆସିଥିଲୁ।” ସେ ଆହୁରି କହିଛନ୍ତି, ମୁଁ ପ୍ରାୟ ଆଠ ମାସ ପରେ ଦ୍ୱିତୀୟ ଥର ଯାଇଥିଲି, ତେବେ ଭୂତ ଅଛନ୍ତି ବୋଲି ମୁଁ ଅନୁଭବ କରି ନଥିଲି । ସତ କହିବାକୁ ଗଲେ, ଲୋକମାନେ ଏହି ସ୍ଥାନ ବିଷୟରେ ଅନେକ ଅନ୍ଧବିଶ୍ୱାସ ବିସ୍ତାର କରିଛନ୍ତି । ଜଣେ ନଚାହିଁଲେ ମଧ୍ୟ ଭୟଭୀତ ହୋଇଯିବ ।