ମସ୍କୋ : ମାନବିକତା ଆଧାରରେ ରୁଷ ଆଜି ୟୁକ୍ରେନରେ ଅସ୍ତ୍ରବିରତି ଘୋଷଣା କରିଛି । ଏହା ଫଳରେ ଏଠାରେ ଫସି ରହିଥିବା ସାଧାରଣ ନାଗରିକ ବାହାରକୁ ଯାଇପାରିବେ । ଗଣମାଧ୍ୟମର ରିପୋର୍ଟ ଅନୁଯାୟୀ, ରୁଷ ସାଇଲେନ୍ସ ମୋଡ ଘୋଷଣା କରିଛି ଏବଂ ମାନବିକତା ଦୃଷ୍ଟିରୁ କିଭ୍ ସମେତ ଅନେକ ସହରରେ ମାନବ କରିଡର ଯୋଗାଇବାକୁ ପ୍ରସ୍ତୁତ ଅଛି । ଏହି ଘୋଷଣା ଏମିତି ସମୟରେ ଆସିଛି, ଯେତେବେଳେ ଉଭୟ ୟୁକ୍ରେନ ଏବଂ ରୁଷ ପରସ୍ପରକୁ ମାନବ କରିଡରରେ ବାଧା ସୃଷ୍ଟି କରୁଥିବା ଅଭିଯୋଗ କରୁଛନ୍ତି । ଚେର୍ନିଭିଭ, ସୁମି, ଖାର୍କିଭ, ମାରିଓପୋଲ, ଜାପୋର୍ଜିଜିଆରେ କରିଡର ଯୋଗାଇବାକୁ ଆମେ ପ୍ରସ୍ତୁତ ବୋଲି ରୁଷ କହିଛି ।
ମାନବିକ ଅଧିକାର ସମନ୍ୱୟ କେନ୍ଦ୍ରର ମୁଖ୍ୟ ମିଖାଇଲ ମିଜିଣ୍ଟସେଭ କହିଛନ୍ତି ଯେ, ସାଧାରଣ ନାଗରିକଙ୍କୁ ଥଇଥାନ କରିବା ପାଇଁ ରୁଷ ୟୁକ୍ରେନକୁ ପୁଣି ଥରେ ପ୍ରସ୍ତାବ ଦେଇଛି । ଏହି ବିବୃତ୍ତିରେ କୁହାଯାଇଛି ଯେ, ଏହି ବିବୃତ୍ତିକୁ ତୁରନ୍ତ ୟୁକ୍ରେନର ନୋଟିସକୁ ଅଣାଯାଉଛି ଯେ ମାର୍ଚ୍ଚ ୯ ତାରିଖ ରାତି ୩ ଟାରୁ ସାଧାରଣ ନାଗରିକଙ୍କୁ ମାନବିକତା ଭିତ୍ତିରେ ସ୍ଥାନାନ୍ତର ପାଇଁ ଏକ କରିଡର ଯୋଗାଇ ଦିଆଯାଉ ।