ବଲାଙ୍ଗିର, (ଦେବାଶିଷ ମିଶ) : ଛତାମଖନା ଖେଳପଡିଆରେ ପ୍ରଥମ କରି ଫ୍ରି ଏଣ୍ଟ୍ରି କ୍ରିକେଟ ଟୁର୍ଣ୍ଣାମେଣ୍ଟ ଉଦ୍ଯାପିତ ହୋଇଯାଇଛି । ଗତ ୪ ଦିନ ଧରି ଚାଲିଥିବା ଟୁର୍ଣ୍ଣାମେଣ୍ଟର ଆଜି ଫାଇନାଲ ମ୍ୟାଚରେ ପୁଇଁନ୍ତଲା ଦଳ ଟସ୍ ଜିଣି ପ୍ରଥମେ ବ୍ୟାଟିଂ କରିବା ନିଷ୍ପତ୍ତି ନେଇଥିଲେ । ନିର୍ଦ୍ଧାରିତ ୮ ଓଭରରେ ସମୁଦାୟ ୪୬ରନ ସଂଗ୍ରହ କରିଥିଲେ । ୪୭ ରନର ବିଜୟ ଲକ୍ଷକୁ ପିଛା କରି ଛତାମଖନା ଦଳ ୪ ୱିକେଟ ବିନିମୟରେ ୬ ଓଭରରେ ବିଜୟ ହାସଲ କରିଥିଲା । ଟୁର୍ଣ୍ଣାମେଣ୍ଟରେ ବିଜୟୀ ଓ ଉପବିଜୟୀ ଦଳକୁ ମୁଖ୍ୟ ଅତିଥି ଯୁବନେତା ଶୁଭ୍ରାଂଶୁ ପଣ୍ଡା ଟ୍ରଫି ପ୍ରଦାନ କରିଥିଲେ । ଉଭୟ ଦଳର ଖେଳୁଆ ମନୋଭାବକୁ ଶ୍ରୀ ପଣ୍ଡା ପ୍ରଶଂସା କରିଥିଲେ । ଛତାମଖନା ଦଳର ଅଧିକାରୀ ସୁଶାନ୍ତ ବଗର୍ତ୍ତି ଓ ପୁଇଁନ୍ତଲା ଦଳର ଅଧିନାୟକ ହେମନ୍ତଙ୍କ ନେତୃତ୍ୱରେ ଦୁଇ ଦଳ ଜୋରଦାର ପ୍ରଦର୍ଶନ କରିଥିଲେ । ଭବାନି ବରିହା ମ୍ୟାନ ଅଫ୍ ଦି ମ୍ୟାଚ ଓ ସତ୍ୟମ ସିକାକୁ ଟୁର୍ଣ୍ଣାମେଣ୍ଟ ସର୍ବଶ୍ରେଷ୍ଠ ଖେଳାଳି ଘୋଷିତ କରାଗଲା । ବେଷ୍ଟ ସିକ୍ସର ଭାବେ ପୁଇଁନ୍ତଲା ଦଳର ରମେଶକୁ ମନୋନିତ କରାଗଲା । ଅମ୍ପାୟାରିଂରେ ଦୁଃଖୁ, ଫିରୁ, ନିଳାମ୍ବର, ତ୍ରିନାଥ ଓ ସ୍କୋର ଦାୟିତ୍ୱରେ ଧିରେନ, ସୌମ୍ୟ ଏବଂ ଶୁଭମ୍, କମେଣ୍ଟ୍ରିରେ ଉପେନ୍ଦ୍ର, ବିମଲ ଓ ଚୌଧୁରି ସହଯୋଗ କରିଥିଲେ । ଆଜି ଅନୁଷ୍ଠିତ ଏହି ମ୍ୟାଚରେ ସହସ୍ରାଧିକ ଲୋକଙ୍କ ସମାଗମ ହୋଇଥିଲା ।