ସଇଁତଲା, (ପ୍ରମୋଦ ସେଲମା) : ବଲାଙ୍ଗିର ଜିଲ୍ଲା ସଇଁତଲା ବ୍ଲକଠାରେ ସୋମବାର ଦିନ ମିଶନ ଶକ୍ତି ଭବନ ଓ ଆଇସିଡ଼ିଏସ୍ ନୂତନ ଅଫିସ ଗୃହ ଉଦ୍ଘାଟିତ ହୋଇଯାଇଛି । ଏହି ଅବସରରେ ମୁଖ୍ୟଅତିଥି ଭାବରେ ଟିଟିଲାଗଡ଼ ବିଧାୟିକା ଟୁକୁନି ସାହୁ ଯୋଗଦାନ କରି ଆନୁଷ୍ଠାନିକ ଭାବରେ ଉଦ୍ଘାଟନ କରିଥିଲେ । ଏହି ପରିପ୍ରେକ୍ଷୀରେ ବ୍ଲକ କାର୍ଯ୍ୟାଳୟ ପରିସରରେ ବ୍ଲକ ପ୍ରଶାସନ ତରଫରୁ ମିଶନ ଶକ୍ତିର ଏକ ସାଧାରଣ ବୈଠକ ଅନୁଷ୍ଠିତ ହୋଇଥିଲା । ଉକ୍ତ ବୈଠକରେ ସଇଁତଲା ବିଡ଼ିଓ ଚନ୍ଦ୍ରମଣି ନାଗଙ୍କ ଅଧ୍ୟକ୍ଷତାରେ ଅନୁଷ୍ଠିତ ବୈଠକରେ ମନ୍ତ୍ରୀ ଶ୍ରୀମତୀ ସାହୁ, ସଇଁତଲା ବ୍ଲକ ଉପାଧ୍ୟକ୍ଷ ଗୁଣସାଗର ମାଝୀ, ତହସିଲଦାର ମାନସ ଫିଲ କେରକେଟା ଯୋଗଦାନ କରିଥିଲେ । ଶେଷରେ ସିଡ଼ିପିଓ ସବିତା ଦାଶ ଧନ୍ୟବାଦ ପ୍ରଦାନ କରିଥିଲେ । ଏହି ମିଶନ ଶକ୍ତି ଭବନ ୫୦ ଲକ୍ଷ ଟଙ୍କା ଅନୁଦାନରେ ନିର୍ମିତ ହୋଇଥିବା ବେଳେ ଆଇସିଡ଼ିଏସ୍ ନୂତନ ଅଫିସ ପାଇଁ ୨୬ ଲକ୍ଷ ଟଙ୍କା ଅନୁଦାନରେ ନିର୍ମିତ ହୋଇଥିବା ଜଣାପଡ଼ିଛି । ଏହି ସମୟରେ ପିଡବ୍ଲୁଡ଼ି ସହକାରୀ ଯନ୍ତ୍ରୀ ସାଲାହା ସଂଗୀତା ଟୁଡୁ, କନିଷ୍ଠ ଯନ୍ତ୍ରୀ ଟଙ୍କଧର ପ୍ରଧାନ, ଜିପିଇଓ ପଦ୍ମକାନ୍ତ ପାଣିଗ୍ରାହୀ, ହିସାବ ରକ୍ଷକ ଲଛମନ ଯାନୀ, ଓଡିଶା ଜୀବିକା ମିଶନ ବିଭାଗର ସୁଧାଂଶୁ ଶେଖର ବଛା, ଝରଣା ବାଗ, ଦୀପ୍ତିମୟ ପ୍ରଧାନ, ରଂଜିତ ନାୟକଙ୍କ ଜିଲ୍ଲା ପରିଷଦ ସଦସ୍ୟ, ସରପଞ୍ଚ, ସମିତି ସଭ୍ୟସଭ୍ୟା, ଆଇସିଡ଼ିଏସ୍ ସୁପରଭାଇଜର, ଅଙ୍ଗନୱାଡ଼ି କର୍ମୀ, ଏମ୍ବିକେ, ସିଆର୍ପିସିଏମ୍, ଜିପିଏଲ୍ଏଫ୍, ବିଏଲ୍ଏଫ୍ ଲିଡ଼ର ପ୍ରମୁଖ ଉପସ୍ଥିତ ରହିଥିଲେ ।