ଜିଲ୍ଲା କନିଷ୍ଠ ବର୍ଗ କ୍ରିକେଟ୍ ପ୍ରତିଯୋଗିତା ଉଦଯାପିତ : ପ୍ରୀତିଶ ଶ୍ରେଷ୍ଠ ବ୍ୟାଟ୍ସମ୍ୟାନ୍, ଶିବମ କନ୍ଧେର ଶ୍ରେଷ୍ଠ ବୋଲର
ବରଗଡ଼, (ସତ୍ୟ ନାରାୟଣ ପ୍ରଧାନ) : ଓଡିଶା କ୍ରିକେଟ ଆସୋସିଏସନ୍ର ଭିଜନ ୨୦୨୪ ଆନୁକୁଲ୍ୟରେ ଜିଲ୍ଲା କ୍ରିକେଟ ଆସୋସିଏସନ୍ ପକ୍ଷରୁ ସ୍ଥାନୀୟ ଲେଙ୍ଗୁ ମିଶ୍ର ମିନି ଷ୍ଟାଡିୟମ ଠାରେ ଚାଲିଥିବା ଜିଲ୍ଲା ଆନ୍ତଃ କ୍ଲବ୍ ଜୁନିୟର କ୍ରିକେଟ ପ୍ରତିଯୋଗିତା ଉଦଯାପିତ ହୋଇଯାଇଛି । ଜିଲ୍ଲା କ୍ରିକେଟ ଆସୋସିଏସନ୍ର ସଭାପତି ହରିହର ପ୍ରଧାନଙ୍କ ସଭାପତିତ୍ୱରେ ଅନୁଷ୍ଠିତ ଏହି ଉଦଯାପନୀ କାର୍ୟ୍ୟକ୍ରମରେ ପୂର୍ବତନ ସଂପାଦକ ସୁବ୍ରତ ଚାଟାର୍ଜୀ ଓ ବରିଷ୍ଠ ସଦସ୍ୟ କିଶୋର ରଥ ଅତିଥି ଭାବରେ ଯୋଗ ଦେଇ ପ୍ରତିଯୋଗିତାର କୃତୀପ୍ରତିଯୋଗୀଙ୍କୁ ପୁରସ୍କୃତ କରିଥଲେ । ଏହି ପ୍ରତିଯୋଗୀତାରେ କଟାପାଲି କ୍ରିକେଟ୍ କ୍ଲବର ପ୍ରିତିଶ୍ ଦାଶ ଓ ସୁପର ଜିମନାସିୟମ୍ ଦଳର ଶିବମ କନ୍ଧେର ପ୍ରତିଯୋଗିତାର ଶ୍ରେଷ୍ଠ ବ୍ୟାଟ୍ସମ୍ୟାନ୍ ଓ ଶ୍ରେଷ୍ଠ ବୋଲର ଭାବରେ ପୁରସ୍କୃତ ହୋଇଥିଲେ । ପ୍ରୀତିଶ୍ ୩ ଟି ମ୍ୟାଚ୍ରେ ୧୭୮ ରନ କରିଥିବା ବେଳେ, ଶିବମ କନ୍ଧେର ୩ ଟି ମ୍ୟାଚରେ ୧୧ ୱିକେଟ ନେଇଥିଲେ । ଏହି ଉଦଯାପନୀ ଉତ୍ସବରେ ଅନ୍ୟମାନଙ୍କ ମଧ୍ୟରେ କ୍ରିକେଟ ଆସୋସିଏସନ୍ ସମ୍ପାଦକ ରବି ପଣ୍ଡା, ଉପ ସଭାପତି ଶୁଭ୍ରାଂଶୁ ମହାପାତ୍ର, ଚନ୍ଦ୍ର ଶେଖର ପ୍ରଧାନ, ଅମିୟ ଭୂଷଣ ସାହୁ, ପ୍ରଦିପ ସାହୁ, ସୋର୍ୟ୍ୟ ରଞ୍ଜନ ରାଏ ପ୍ରମୁଖ ଉପସ୍ଥିତ ଥିଲେ । ଆଜି ଶେଷ ଲିଗ୍ ମ୍ୟାଚରେ ବରଗଡ଼ କ୍ଲବ୍ ଓ ସୁପର ଯିମ୍ନାସିୟମ୍ ମଧ୍ୟରେ ଅନୁଷ୍ଠିତ ମ୍ୟାଚରେ ବରଗଡ଼ ଦଳ ଟସ ଜିଣି ପ୍ରଥମେ ବ୍ୟାଟିଂ କରି ଜଗଜିତ ଲୁହାଙ୍କ ୧୨ ରନ, ଉମ୍ନେଶ ୨୦ ରନ, ବିନିତ ସାହୁ ୨୨ ରନ ଫଳରେ ୨୦. ୪ ଓଭରରେ ୧୦୮/୯ ରନ କରିଥିଲେ । ପ୍ରତିପକ୍ଷ ସୁପର ଯିମ୍ନାସିୟମ୍ ପକ୍ଷରୁ ସିବମ କନ୍ଧେର ୪୨/୩, ଏମ.ଡି. ତଲା ୟୁସୁଫ ୧୭/୨, ପ୍ରୀୟଂଶୁ ମହାନା ୮/୧, ଅଲିମନ ସାହୁ ୨୫/୧, ପ୍ରଜ୍ଞା ମିଶ୍ର ୯/୧ ୱିକେଟ ନେଇଥିଲେ। ଜବାବରେ ବରଗଡ଼ ସୁପର ଯିମ୍ନାସିୟମ୍ ଦଳ ଜୋରଦାର ଆରମ୍ଭ କରି ସିଞ୍ଚନ ଦାଶଙ୍କ ଅପରାଜିତ ୪୫ ରନ, ଏମ.ଡି. ତଲା ୟୁସୁଫ ୧୫ରନ, ନୈତିକ ପଣ୍ଡା ୧୬ ରନ କରିଥିଲେ । ଦଳ ୧୮.୨ ଓଭରରେ ୧୧୧/୩ କରି ମ୍ୟାଚକୁ ୭ ୱିକେଟରେ ଜିତି ନେଇଥିଲେ । ଆଜିର ମ୍ୟାଚକୁ ଓସିଏ ଅମ୍ପାୟାର ୱିଲସନ ସିଂ ଓ ଭରତ ଚେତନ ପଣ୍ଡା ପରିଚାଳନା କରିଥିବା ବେଳେ ସ୍କୋରର ଥିଲେ ରଜତ ଦାଶ ଓ ମନୋଜ ପାତ୍ର ।