ବଲାଙ୍ଗିର, (ଦେବାଶିଷ ମିଶ୍ର) : ସ୍ଥାନୀୟ ଗାନ୍ଧୀ ଷ୍ଟାଡିୟାମ ଠାରେ ଓସିଏ ଭିଜନ ୨୦୨୪ ଜୁନିୟର ଇନ୍ଟ୍ରାକ୍ଲବ କ୍ରିକେଟ ପ୍ରତିଯୋଗିତାର ଚତୁର୍ଥ ଦିବସରେ ଲାୟନ୍ସ କ୍ରିକେଟ ଏକାଡେମୀ ପାଟଣାଗଡ ଓ ଟିଟିଲାଗଡ କ୍ରିକେଟ ଦଳ ମଧ୍ୟରେ ଅନୁଷ୍ଠିତ ହୋଇଥିଲା । ଲାୟନ୍ସ ଦଳ ଟସ୍ ଜିତି ପ୍ରଥମେ ବ୍ୟାଟିଂ କରିବାର ନିଷ୍ପତ୍ତି ନେଇ ୧୬.୪ ଓଭରରେ ସମସ୍ତ ୱିକେଟ ହରାଇ ମାତ୍ର ୭୪ ରନ ସଂଗ୍ରହ କରିଥିଲା । ଲାୟନ୍ସ ଦଳ ତରଫରୁ ମୋହିତ ପାଢୀ ସର୍ବାଧିକ ୧୦ ରନ ସଂଗ୍ରହ କରିଥିଲେ । ଟିଟିଲାଗଡ ଦଳ ତରଫରୁ ସଫଳ ବୋଲର୍ ଭାବରେ ଦିବ୍ୟମ୍ ଛପାଡିଆ ୪ ଗୋଟି ୱିକେଟ, ବେଣୁଧର ସେଠ ୪ ଗୋଟି ୱିକେଟ ଓ ମୟଙ୍କ ସାହୁ ୧ ଗୋଟି ୱିକେଟ ଅକ୍ତିଆର କରିଥିଲେ । ଏହାର ଜବାବରେ ଟିଟିଲାଗଡ ଦଳ ୩ ୱିକେଟ ହରାଇ ଆବଶ୍ୟକୀୟ ୭୫ରନ୍ ସଂଗ୍ରହ କରି ୭ ୱିକେଟରେ ବିଜୟ ଲାଭ କରିଥିଲେ । ଟିଟିଲାଗଡ ଦଳ ତରଫରୁ ସଫଳ ବ୍ୟାଟ୍ସ୍ମେନ ଭାବରେ ବେଣୁଧର ସେଠ ସର୍ବାଧିକ ୨୫ ରନ୍ ଓ ରାକେଶ ପରିଡା ୧୪ ରନ୍ ସଂଗ୍ରହ କରିଥିଲେ । ଲାୟନ୍ସ କ୍ରିକେଟ ଏକାଡେମୀ ତରଫରୁ ରୋନିତ ପୁରୋହିତ ୨ ଟି ୱିକେଟ ଓ ସଚ୍ଚିଦାନନ୍ଦ ଷାଣ୍ଢ ଗୋଟିଏ ୱିକେଟ ଅକ୍ତିଆର କରିଥିଲେ । ୨୫ ରନ ଓ ୪ ଟି ୱିକେଟ ଅକ୍ତିଆର କରି ବେଣୂଧର ସେଠ ପ୍ଲେଆର ଅଫ ଦି ମ୍ୟାଚ ବିବେଚିତ ହୋଇଥିଲେ । ଆଜିର ଏହି ମ୍ୟାଚକୁ ଓସିଏ ମାନ୍ୟତା ପ୍ରାପ୍ତ ଅମ୍ପେୟାର ପୃଥ୍ୱୀରାଜ ମିଶ୍ର ଓ ଶ୍ୟାମ ସୁନ୍ଦର ପଣ୍ଡା ପରିଚାଳନା କରିଥିବା ବେଳେ ସ୍ୱାଗତ ତ୍ରିପାଠୀ ଏବଂ ଜଗପତି ନାୟକ ସ୍କୋରର ଦାୟିତ୍ୱ ତୁଳାଇଥିଲେ ।