ପଦ୍ମପୁର, (ନିରୋଜ କୁମାର ପାଣୀ) : ଆଜି ସକାଳ ୮ଟାରୁ ପଦ୍ମପୁରରେ ଭୋଟ ଗଣତି ଆରମ୍ଭ ହୋଇଯାଇଛି । ପ୍ରଥମେ ପୋଷ୍ଟାଲ ଭୋଟ କାଉଣ୍ଟିଂରୁ ଆରମ୍ଭ ହୋଇଥିବା ସୂଚନା ମିଳିଛି । ୧୪ଟି ଟେବୁଲରେ ୨୩ ରାଉଣ୍ଡ ଗଣନା ପରେ ସ୍ପଷ୍ଟ ହୋଇଯିବ ଯେ, ପଦ୍ମପୁର ଆସନ କିଏ ହାତେଇବ ଓ କାହା ମୁଣ୍ଡରେ ହାତୀ ସୁନା କଳସ ଢାଳିବ ।
ସୂଚନା ମୁତାବକ, ପଦ୍ମପୁର ଉପନିର୍ବାଚନ ସାରା ରାଜ୍ୟରୁ ଆରମ୍ଭ କରି ରାଜ୍ୟ ବାହାରେ ବି ଚର୍ଚ୍ଚାର ବିଷୟ ପାଲଟିଛି । ଏଥର ୮୧.୨୯ ପ୍ରତିଶତ ରେକର୍ଡ ମତଦାନ ହୋଇଥିବାରୁ ରେଜଲ୍ଟକୁ ନେଇ ସମସ୍ତେ ରାଜନୈତିକ ଦଳର ନଜର ରହିଛି । ଆଜି ବିଜେଡି ପ୍ରାର୍ଥୀ ବର୍ଷାରାଣୀ ସିଂ ବରିହା, ବିଜେପି ପ୍ରାର୍ଥୀ ପ୍ରଦୀପ ପୁରୋହିତ, କଂଗ୍ରେସ ପ୍ରାର୍ଥୀ ସତ୍ୟଭୂଷଣ ସାହୁଙ୍କ ସମେତ ୧୦ ଜଣ ପ୍ରାର୍ଥୀଙ୍କ ଭାଗ୍ୟ ନିର୍ଦ୍ଧାରଣ ହେବ ।