ତେଲକୋଇ : କେନ୍ଦୁଝର ଜିଲ୍ଲା ତେଲକୋଇ ରେଞ୍ଜ ବିମଳା ଫରେଷ୍ଟ ବିଟ୍ କୃଷ୍ଣପୁର ଓ କରମଙ୍ଗି ଗାଁରେ ୩୦ ଟିକିଆ ହାତୀପଲଙ୍କ ଉତ୍ପାତ । ଏକର ଏକର ଧାନ ଫସଲ ନଷ୍ଟ କରିଥିବା ଜଣାପଡିଛି । ସୂଚନାନୁଯାୟୀ, ଗତକାଲି ବିଳମ୍ବିତ ରାତିରେ ବିମଳା ଫରେଷ୍ଟ ବିଟ୍ କୃଷ୍ଣପୁର ଓ କରମଙ୍ଗି ଗାଁରେ ୩୦ ଟିକିଆ ହାତୀପଲ ଧସେଇ ପଶି ଏକର ଏକର ଧାନ ଫସଲ ନଷ୍ଟ କରିଦେଇଛନ୍ତି । କୃଷ୍ଣପୁର ଗାଁର ପିଅନ ନାଏକ ଓ ଖଗେଶ୍ଵର ନାଏକଙ୍କ ୮ଏକର ଧାନ ଫସଲକୁ ନଷ୍ଟ କରିଦେଇଥିବା ବେଳେ କରମଙ୍ଗି ଗାଁର ଅଭିର ନାୟକଙ୍କ ୫ଏକର ଧାନ ଫସଲ ଦଳି ମକଚି ନଷ୍ଟ କରି ଦେଇଛନ୍ତି ହାତୀପଲ । ଫଳରେ ଧାର୍ କରଜ କରି ଚାଷ କରିଥିବା ଚାଷୀ ଏବେ ମୁଣ୍ଡରେ ହାତ ଦେଇ ବସିଛି । ସେପଟେ ହାତୀପଲଙ୍କୁ ଘଉଡ଼ାଇବା ସହ ସରକାରୀ ସହାୟତା ଯୋଗାଇ ଦେବା ପାଇଁ ଚାଷୀମାନେ ଦାବୀ କରିଛନ୍ତି ।