- ବାରପୁଡୁଗିଆ ସିଦ୍ଧାଶ୍ରମ ସେବା ପ୍ରତିଷ୍ଠାନ ତରଫରୁ ୪୦ଟି ପରିବାରକୁ ଶୀତବସ୍ତ୍ର ବଣ୍ଟନ
ବଲାଙ୍ଗିର, (ଦେବାଶିଷ ମିଶ୍ର) : ବାରପୁଡୁଗିଆ ଠାରେ ୯ ଦିନ ବ୍ୟାପି ତୁଳସୀ ରାମାୟଣ ଅନୁଷ୍ଠିତ ହୋଇଯାଇଛି । ଏ ବର୍ଷ ଚତୁର୍ଥ ବର୍ଷ ହୋଇଥିବା ବେଳେ ଗତ ୧୦ ତାରିଖରୁ ଆରମ୍ଭ ହୋଇଯାଇଛି । ବାରପୁଡୁଗିଆ ଗ୍ରାମରେ ବିଭିନ୍ନ ଆଖପାଖ ଗାଁର ଲୋକେ ପାରାୟଣ ଦେଖିବା ପାଇଁ ପ୍ରବଳ ସୁଅ ଛୁଟୁଥିବା ବେଳେ ଉଦ୍ଯାପିତ ଉତ୍ସବରେ ବଲାଙ୍ଗିର ବିଧାୟକ ନରସିଂହ ମିଶ୍ର ଯୋଗ ଦେଇଥିଲେ । ୪୦ଟି ପରିବାରକୁ ସିଦ୍ଧାଶ୍ରମ ସେବା ପ୍ରତିଷ୍ଠାନ ତରଫରୁ ଶୀତବସ୍ତ୍ର ବଣ୍ଟନ କରାଯାଇଥିଲା । କୁଟୁମଡୋଳାର ଗାୟକ ଇପସିତ ମିଶ୍ରଙ୍କୁ ସମ୍ମାନିତ ମଧ୍ୟ କରାଯାଇଥିଲା । ପୂଜକ ନବୀନ ଚନ୍ଦ୍ର ହୋତା ପୂଜାକାର୍ଯ୍ୟ ସମ୍ପାଦନ କରିଥିଲେ । ପାରାୟଣ କମିଟି ଅଧ୍ୟକ୍ଷ ସନ୍ତୋଷ ନାରାୟଣ ମିଶ୍ରଙ୍କ ପ୍ରତ୍ୟକ୍ଷ ତତ୍ତ୍ୱାବଧାନରେ ଲୋକନାଥ କୁମୁରା, ବ୍ଲକ ଅଧ୍ୟକ୍ଷ ସରିତା ବାଗ, ସରପଞ୍ଚ ଜନ୍ମେଜୟ ମେହେର, ସମିତି ସଭ୍ୟ ସକୁନ୍ତଳା କାଲସାଏ, ପାରାୟଣ କମିଟିର ସଭାପତି ଜୟକୃଷ୍ଣ ମିଶ୍ର ପ୍ରମୁଖ ସହଯୋଗ କରିଥିଲେ ।
