ବଲାଙ୍ଗିର, (ଦେବାଶିଷ ମିଶ୍ର) : ବଲାଙ୍ଗିର ଜିଲ୍ଲା ଚେସ୍ ଏସୋସିଏସନ ଆନୁକୂଲ୍ୟରେ ଚାଲିଥିବା ଦୁଇ ଦିନିଆ ଜିଲ୍ଲା ଚେସ୍ ଚାମ୍ପିୟନସିପ୍ ସ୍ଥାନୀୟ ଯାଦବ ଭବନ ଠାରେ ଉଦ୍ଯାପିତ ହୋଇଯାଇଛି । ଉଦ୍ଯାପନୀ ଉତ୍ସବରେ ମୁଖ୍ୟ ଅତିଥି ଭାବରେ ବଲାଙ୍ଗିର ପୌର ପାଳିକା ଅଧ୍ୟକ୍ଷା ଲିକା ସାହୁ ଯୋଗ ଦେଇ ପୁରସ୍କାର ବିତରଣ କରିଥିଲେ । ଅତିଥି ରୂପେ ବ୍ୟବସାୟୀ କିଶୋର ରଥ ଓ ଶିବ ବେହେରା ଯୋଗ ଦେଇଥିଲେ । ଅଜୟ ଦର୍ଜୀ ୬ ପଏଣ୍ଟ ସହ ବଲାଙ୍ଗିର ଚାମ୍ପିୟନ ହୋଇଥିବା ବେଳେ ଶୈଳେଶ ବାବୁ ଦ୍ୱିତୀୟ, ଦେବେନ୍ଦ୍ର ଯୋଷୀ ତୃତୀୟ, ଶ୍ରେୟସ ପାଣିଗ୍ରାହୀ ଚତୁର୍ଥ, ମଧୁସୂଦନ ସାହୁ ପଞ୍ଚମ ସ୍ଥାନ ହାସଲ କରିଥିଲେ । କାର୍ତ୍ତିକ ଦଣ୍ଡସେନା, ଶ୍ୟାମ ସୁନ୍ଦର ଯୋଷୀ, ରାଘବ ଚନ୍ଦ୍ର ସାହୁ, ବିରଞ୍ଚି କୁମାର ସାହୁ, କ୍ଷୀରୋଦ ଦଲାଇ ଯଥାକ୍ରମେ ଷଷ୍ଠରୁ ଦଶମ ସ୍ଥାନ ହାସଲ କରିଥିଲେ । ବିଭିନ୍ନ ବୟସ ବର୍ଗରେ ବସୁନ୍ଧରା ପଣ୍ଡା ୧୧ ବର୍ଷ ବିଭାଗ, ସମନ୍ୟୁ ପ୍ରସାଦ ସେଠ ୯ ବର୍ଷ ବିଭାଗ ଚାମ୍ପିୟନ, ସ୍ୱସ୍ତିକ ନାଏକ ୧୩ ବର୍ଷ ବିଭାଗ ଚାମ୍ପିୟନ, ସ୍ୱରିତ ରଥ ୧୨ ବର୍ଷ ବିଭାଗ ଚାମ୍ପିୟନ ହୋଇଛନ୍ତି । ଶୁକଦେବ ଗୁରୁ ସଭାପତିତ୍ୱ କରିଥିବା ବେଳେ ସଂପାଦକ ପ୍ରିୟବ୍ରତ ପଣ୍ଡା ମଂଚାସୀନ ଥିଲେ । ସରୋଜକାନ୍ତ ବେହେରା ଓ ସଂଜୟ ମହାପାତ୍ର ଆର୍ବିଟର ଭାବେ ଟୁର୍ଣ୍ଣାମେଣ୍ଟ ପରିଚାଳନା କରିଥିଲେ । ରାଜେଶ ପାଣିଗ୍ରାହୀ, ଶେଷଦେବ ନାଏକ, ବିଶ୍ୱ ରଂଜନ ଡାକୁଆ, ପ୍ରଶାନ୍ତ ମହାକୁର, ବିଘ୍ନେଶ୍ୱର ଯୋଷୀ, ଦେବେନ୍ଦ୍ର ଯୋଷୀ, ଆଶିଷ ରଥ ସହଯୋଗ କରିଥିଲେ । ବଲାଙ୍ଗିର ଜିଲ୍ଲା ଟେଣ୍ଟ ହାଉସ ମାଲିକ ସଂଘ ଚେୟାରମ୍ୟାନ ବରୁଣ କୁମାର ହେର୍ଣ୍ଣା ଉପସ୍ଥିତ ଥିଲେ ।