ଚନ୍ଦନଭାଟି, (ରାଜେଶ ଦଣ୍ଡସେନା) : ଚନ୍ଦନଭାଟି ପଞ୍ଚାୟତ ଅନ୍ତର୍ଗତ ବଘଲା କୋଶଲ୍ ପଡିଆଠାରେ ସିଦ୍ଧାନ୍ତ ମେମୋରିଆଲ୍ କ୍ରିକେଟ ଟୁର୍ଣ୍ଣାମେଣ୍ଟ ଉଦ୍ଯାପିତ ହୋଇଯାଇଛି ।ଏହି ଟୁର୍ଣ୍ଣାମେଣ୍ଟରେ ମୋଟ୍ ୧୬ଟି ଦଳ ଭାଗ ନେଇଥିଲେ । ଫାଇନାଲ୍ ମ୍ୟାଚ୍ ଚନ୍ଦନଭାଟି ଏବଂ ବବଜା ମଧ୍ୟରେ ଅନୁଷ୍ଠିତ ହୋଇଥିଲା । ବବଜା ଦଳ ପ୍ରଥମେ ବ୍ୟାଟିଂ କରି ୮ ଓଭରରେ ୭ଟି ୱିକେଟ୍ ହରାଇ ମାତ୍ର ୫୦ ରନ୍ କରିଥିଲା । ଫଳରେ ଚନ୍ଦନଭାଟି ଦଳ ୪ ଓଭରରେ ୩ ୱିକେଟ ହରାଇ ମ୍ୟାଚ୍କୁ ସହଜରେ ଜିତି ନେଇଥିଲା । ଏହି ମ୍ୟାଚ୍ରେ ମୁଖ୍ୟ ଅତିଥି ଭାବେ ଚନ୍ଦନଭାଟି ଫାଣ୍ଡି ଅଧିକାରୀ ରଂଜିତ ପ୍ରଧାନ ଯୋଗ ଦେଇଥିବାବେଳେ ମୁଖ୍ୟ ବକ୍ତା ଭାବେ କବି ରାଜେଶ ଦଣ୍ଡସେନା ଯୋଗ ଦେଇଥିଲେ । ସମ୍ମାନିତ ଅତିଥି ଭାବେ ବଲାଙ୍ଗିର ସଦର ବ୍ଲକ ପୂର୍ବତନ ଅଧ୍ୟକ୍ଷ ଗୋଲାପ ବାଗ, ରାଜେଶ ତ୍ରିପାଠୀ ଏବଂ ସୁରେନ୍ଦ୍ର ବାଗ ପ୍ରମୁଖ ଯୋଗ ଦେଇ ବିଜେତା ଏବଂ ଉପ ବିଜେତା ଦଳକୁ ପୁରସ୍କାର ପ୍ରଦାନ କରିଥିଲେ । ଧନଞ୍ଜୟ ମହାକୁର ଏବଂ ନିରାକାର ପଧାନ ଖେଳ ପରିଚାଳନା କରିଥିଲେ । ସ୍କୋରର୍ ଭାବେ ପ୍ରତାପ ସା ଏବଂ ଉଦ୍ଘୋଷକ ଭାବେ ଅବିନାଶ ମିଶ୍ର ଦାୟିତ୍ୱ ନେଇଥିଲେ । ପ୍ରକାଶ, ବିକାଶ, ଚିମନ, ଅମିତ, ବିଶିକେଶନ ପ୍ରମୁଖ ସହଯୋଗ କରିଥିଲେ ।