ଫୁଣ୍ଡେଲପଦର ଜୟ ମାଁ ତାରିଣୀ କ୍ରିକେଟ ପ୍ରତିଯୋଗିତା ଉଦ୍‌ଯାପିତ : ଝରିଆଲ ଚମ୍ପିୟାନ

ମୁରିବାହାଲ, (ଦୁର୍ଗାନନ୍ଦ ମହାକୁର) : ବଲାଙ୍ଗିର ଜିଲ୍ଲା ମୁରିବାହାଲ ବ୍ଲକ ଲଖନା ପଞ୍ଚାୟତ ଫୁଣ୍ଡେଲପଦର ଗ୍ରାମରେ ଚାଲିଥିବା ଜୟ ମାଁ ତାରିଣୀ କ୍ରିକେଟ ଟୁର୍ଣ୍ଣାମେଣ୍ଟ ଉଦ୍‌ଯାପିତ ହୋଇଯାଇଛି । ଏହି ଟୁର୍ଣ୍ଣାମେଣ୍ଟରେ ମୋଟ ୧୬ଗୋଟି ଦଳ ଅଂଶ ଗ୍ରହଣ କରିଥିଲେ । ଫାଇନାଲ ଖେଳ ଝରିଆଲ ଦଳ ଏବଂ ଘଣ୍ଟବାହାଲ ଦଳ ମଧ୍ୟରେ ଅନୁଷ୍ଠିତ ହୋଇଥିବା ବେଳେ ଖେଳରେ ଝରିଆଲ ଦଳ ବିଜେତା ଏବଂ ଘଣ୍ଟବାହାଲ ଦଳ ଉପବିଜେତା ଭାବରେ ପୁରସ୍କୃତ ହୋଇଥିଲେ । ଏହି ଫାଇନାଲ ଖେଳରେ ମୁଖ୍ୟ ଅତିଥି ଭାବେ ବିଜେପି ଜିଲ୍ଲା କାର୍ଯ୍ୟକାରିଣୀ ସଦସ୍ୟ ତଥା ସମାଜସେବୀ ସୁରେଶ ଚନ୍ଦ୍ର ନେଓରା ଏବଂ ସମ୍ମାନିତ ଅତିଥି ଭାବେ ୱାର୍ଡ ସଭ୍ୟ ଗଜମନ ରଣା ଓ ବସନ୍ତ ଭୋଇ ଯୋଗ ଦେଇଥିଲେ । ଏଥିରେ ଆୟୋଜକ କମିଟିର ହେମନ୍ତ ଭୋଇ, କ୍ୟାପଟେନ ମୋତିରାମ ଭୋଇ, ରଞ୍ଜିତ ଭୋଇ,ମଣ୍ଟୁ ଭୋଇଙ୍କ ସହ ଗ୍ରାମର ସମସ୍ତ କ୍ରିକେଟ ଖେଳାଳି, ଯୁବକ ଓ ଗ୍ରାମବାସୀ ଉପସ୍ଥିତ ରହି ସହଯୋଗ କରିଥିଲେ ।