ପଦ୍ମପୁର, (ନିରୋଜ କୁମାର ପାଣୀ) : ପାଇକମାଲ ବିନ୍ଧ୍ୟବାସିନୀ ଉଚ୍ଚ ମାଧ୍ୟମିକ ବିଦ୍ୟାଳୟର ବାର୍ଷିକ କ୍ରୀଡା ବୁଧବାର ଉଦ୍ଯାପିତ ହୋଇଯାଇଛି । ମଙ୍ଗଳବାର ଉଦ୍ଯାପନୀ ଉତ୍ସବରେ ମୁଖ୍ୟ ଅତିଥି ଭାବେ ପାଇକମାଲ ବ୍ଲକ ଏବିଓ ରାଧେଶ୍ୟାମ ମେହେର ଯୋଗଦେଇ ବାର୍ଷିକ କ୍ରୀଡାକୁ ଉଦ୍ଘାଟନ କରିଥିଲେ । ଉଦ୍ଯାପିତ ଉତ୍ସବରେ ବିଦ୍ୟାଳୟର ଅଧ୍ୟକ୍ଷ ଶ୍ୟାମଲାଲ ପ୍ରଧାନ ସଭାପତିତ୍ୱ କରିଥିବା ବେଳେ ଓଡିଆ ଅଧ୍ୟାପିକା ରଞ୍ଜିତା ମହାନ୍ତି ସ୍ୱାଗତ ଭାଷଣ ସହ ଅତିଥି ପରିଚୟ ପ୍ରଦାନ କରିଥିଲେ । ମୁଖ୍ୟ ଅତିଥି ଭାବେ ଜାତୀୟ କ୍ରୀଡାବିତ୍ ସନ୍ତୋଷ କୁମାର ପ୍ରଧାନ, ସମ୍ମାନିତ ଅତିଥି ଭାବେ ପ୍ରବିଣ କୁମାର ସାହୁ, ଧଳେନ୍ଦ୍ର ବାରିକ ଯୋଗ ଦେଇଥିଲେ । ଇତିହାସ ଅଧ୍ୟାପକ ମିନକେତନ ବେହେରା ବାର୍ଷିକ କ୍ରୀଡାର ବିବରଣୀ ପଠନ କରିଥିଲେ । ବାଳକ ବିଭାଗରେ +୨ ଛାତ୍ର ସୁଦାମ ଭୋଇ ଓ +୨ ଛାତ୍ରୀ ସୁନିତା ନାଗ ଚମ୍ପିୟାନ ହୋଇଥିଲେ । ନିରୁପମା ପ୍ରଧାନ ଓ ଅନ୍ୟ ଅଧ୍ୟାପକ, ଅଧ୍ୟାପିକା ମାନେ ବିଭିନ୍ନ କାର୍ଯ୍ୟରେ ସହଯୋଗ କରିଥିବା ବେଳେ ଶିବାନୀ ସାହୁ ଧନ୍ୟବାଦ ଅର୍ପଣ କରିଥିଲେ ।