ସୁବର୍ଣ୍ଣପୁର, (କେପିଏନ୍ଏସ୍) : ଆଜି ସୁବର୍ଣ୍ଣପୁର ଜିଲ୍ଲା ପ୍ରଶାସନ ଏବଂ ଆକ୍ସନଆଡ଼୍ ଆସୋସିଏସନ୍ର ମିଳିତ ସହଯୋଗରେ ଅଦ୍ଵିକା କପ୍-୨୦୨୩ ସ୍ଥାନୀୟ ରାମେଶ୍ୱର ଷ୍ଟାଡିଅମରେ ଉଦ୍ଯାପିତ ହୋଇ ଯାଇଛି । ଉଦ୍ଯାପିନୀ ଉତ୍ସବରେ ମୁଖ୍ୟ ଅତିଥି ଭାବରେ ଏଡ଼ିଏମ୍ ଜେନେରାଲ ଶ୍ରୀମତୀ ଅଞ୍ଜଲିନା ପ୍ରଧାନ ଉପସ୍ଥିତ ରହି ଆଡ଼ଲ୍ସେଣ୍ଟ୍ ଝିଅମାନଙ୍କୁ ସୁସ୍ଥ ପରିବେଶ ଏବଂ ସୁସ୍ଥ ସମାଜ ଗଠନ ପାଇଁ ଖେଳ ଅତ୍ୟନ୍ତ ଆବଶ୍ୟକ ବୋଲି ମତ ପୋଷଣ କରିଥିଲେ । ଅନ୍ୟମାନଙ୍କ ମଧ୍ୟରେ ଘାସିରାମ ପଣ୍ଡା ଜାତୀୟ ସ୍ତରର କାର୍ୟ୍ୟକ୍ରମ ମୁଖ୍ୟ ଉପସ୍ଥିତ ରହି ଛଅ ଗୋଟି ବ୍ଲକରୁ ଆସିଥିବା ସମସ୍ତ ପ୍ରତିଯୋଗୀ ଅଙ୍ଗନବାଡି କର୍ମୀ ମାନଙ୍କୁ ଅଦ୍ଵିକା କପ୍-୨୦୨୩ର ବାର୍ତ୍ତା ପ୍ରଦାନ କରିଥିଲେ । ଅନ୍ୟ ମାନଙ୍କ ମଧ୍ୟରେ ସିଡ଼ବ୍ଲ୍ୟୁସି ଅଧ୍ୟକ୍ଷ ଏବଂ ସମସ୍ତ ମେମ୍ବର, ସତ୍ୟନାରାୟଣ ପଣ୍ଡା ଉପସ୍ଥିତ ଥିଲେ । ଉକ୍ତ କାର୍ୟକ୍ରମରେ ଛ’ଗୋଟି ପ୍ରକଳ୍ପରୁ ଆସିଥିବା ସମସ୍ତ ପ୍ରତିଯୋଗୀ ମାନଙ୍କ ଦ୍ୱାରା କବାଡି ପ୍ରତିଯୋଗିତା ଅନୁଷ୍ଠିତ ହୋଇଥିଲା । ଦ୍ୱିତୀୟରେ ଅଙ୍ଗନବାଡି କର୍ମୀ ଏବଂ ଆଡ଼ଲ୍ସେଣ୍ଟ୍ ଝିଅ ମାନଙ୍କ ମଧ୍ୟରେ ଫୂଟବଲ ଖେଳ ଅନୁଷ୍ଠିତ ହୋଇଥିଲା । ଉଦଘାଟନୀ ଉତ୍ସବରେ ଶ୍ରୀମତୀ ପ୍ରଧାନ, ଅନିତା ଗୁରୁ (ପିଓ), ଘାସିରାମ ପଣ୍ଡା ଉପସ୍ଥିତ ରହି ସମସ୍ତ ପ୍ରତିଯୋଗୀ ମାନଙ୍କୁ ପୁରସ୍କାର ପ୍ରଦାନ କରିଥିଲେ । ଏହି କାର୍ୟକ୍ରମକୁ ସୁବର୍ଣ୍ଣପୁର ଜିଲ୍ଲାର ‘ବାଲ୍ୟ ବିବାହକୁ ନା’ର ଜିଲ୍ଲା ସଂଯୋଜକ ଅକ୍ଷୟ କୁମାର ସିଂ ସଂଯୋଜନା କରିଥିଲେ । ଅନ୍ୟମାନଙ୍କ ମଧ୍ୟରେ ଶ୍ରୀ ସଂଜୀବ ମିଶ୍ର, ମୋହନ କୁମାର ମେହେର ସହଯୋଗ କରିଥିଲେ । ଶେଷରେ ଶ୍ରୀ ଦୁଃଖିଶ୍ୟାମ ସେଠି ଉପସ୍ଥିତ ସମସ୍ତ ପ୍ରତିଯୋଗୀ ଏବଂ ଅତିଥି ମାନଙ୍କୁ ଧନ୍ୟବାଦ ଅର୍ପଣ ପୂର୍ବକ ସଭା ସାଙ୍ଗ କରିଥିଲେ ।
