- ସଭାପତି ହେଲେ ଶୁଭ୍ରାଂଶୁ ପଟେଲ ଏବଂ ଉପସଭାପତି ହେଲେ ଲିଲି ପଟେଲ
ବଲାଙ୍ଗିର, (କେପିଏନ୍ଏସ୍) : ୮୪ ଘର ଅଘରିଆ ସମାଜର ଚାରିଦିନିଆ ଆଞ୍ଚଳିକ କମିଟି ବଲାଙ୍ଗିର ଜିଲ୍ଲାର ଚତୁର୍ଦ୍ଦଶ ମହାସଭା ଓ ଅଷ୍ଟମ ରାଜ୍ୟ ମହାସମ୍ମିଳନୀ ମହା ଆଡମ୍ବରରେ ଉଦ୍ଯାପିତ ହୋଇଯାଇଛି । ଗତ ୩୧ ତାରିଖରୁ ଆରମ୍ଭ ହୋଇଥିବା ଏହି ମହାସମ୍ମିଳନୀ ଗତକାଲି ଉଦ୍ଯାପିତ ହୋଇଥିବା ବେଳେ ୮୪ ଘର ଅଘରିଆ ସମାଜର ସଭାପତି ଭାବେ ମାଧିଆପାଲି ନିବାସୀ ଶୁଭ୍ରାଂଶୁ ପଟେଲ ଏବଂ ଉପସଭାପତି ଭାବେ ସମାଜାସେବୀ ଶ୍ରୀମତୀ ଲିଲି ପଟେଲ ନିର୍ବାଚିତ ହୋଇଛନ୍ତି । ଏହି ଅବସରରେ ଅଘରିଆ ସମାଜର ଶତାଧିକ ସଦସ୍ୟ ଯୋଗଦେଇ ଉକ୍ତ ମହାସମ୍ମିଳନୀକୁ ସଫଳ ଭାବେ ସମାପ୍ତ କରିବାରେ ସହଯୋଗ କରିଥିଲେ ।