- ସମାଜର ପ୍ରତିଷ୍ଠିତ, ସାମାଜିକ କର୍ମୀ, ଦିବ୍ୟାଙ୍ଗ, ଶିକ୍ଷାବିଦ୍ଙ୍କୁ ସମ୍ମାନିତ
କଂଟାବାଂଜି, (ଗୁରୁଦୟାଲ ହଂସ) : ବଲାଙ୍ଗିର କୋଶେଲେଶ୍ୱର ମାଲି ସମାଜ ବିକାଶ ପରିଷଦ ଦ୍ୱାରା କଂଟାବାଂଜି କୁକୁଡାହାଡ ଗାଁରେ ମଙ୍ଗଲବାର ଓ ବୁଧବାର ଦୁଇ ଦିନ ଧରି ପାଳିତ ହୋଇଥିବା ସାବିତ୍ରୀ ବାଈ ଫୁଲେଙ୍କ ୧୯୨ତମ ଜନ୍ମ ଜୟନ୍ତୀ ଦିବସ ବୁଧବାର ଦିନ ଉଦ୍ଯାପତି ହୋଇଯାଇଛି । ଉଦ୍ଯାପନୀ ଦିବସରେ ସ୍ଥାନୀୟ ବିଧାୟକ ସନ୍ତୋଷ ସିଂ ସାଲୁଜା ମୁଖ୍ୟ ଅତିଥି ଭାବେ ଯୋଗ ଦେଇ ସମାଜର ବିଭିନ୍ନ ବର୍ଗର ବ୍ୟକ୍ତି ବିଶେଷଙ୍କୁ ମାନପତ୍ର, ଉପଢୌକନ ଦେଇ ସମ୍ବର୍ଦ୍ଧିତ କରାଯାଇଛି । ଏପରିକି ସମାଜର କେତେକ ଦିବ୍ୟାଙ୍ଗମାନଙ୍କୁ ଟ୍ରାଏସାଇକଲ ବଣ୍ଟନ କରାଯାଇଛି । ଏହି ଉଦ୍ଯାପନୀ ଦିବସରେ ସମାଜର ରାଜ୍ୟ ସଭାପତି, ଉପସଭାପତି, ସଂପାଦକ ଏବଂ ଆଂଚଳିକ ସଭାପତି ଓ ସଂପାଦକ ମଂଚାସୀନ ଥିଲେ । ଉଦ୍ଯାପନୀ ଦିବସରେ ଜିଲ୍ଲା ସଭାପତି କାର୍ତ୍ତିକ ପୁଟେଲଙ୍କ ସଭାପତିତ୍ୱରେ ସଭା ଅନୁଷ୍ଠିତ ହୋଇଥିଲା । ସଭା ପରେ ସମାଜ ଦ୍ୱାରା ବିଭିନ୍ନ ସାଂସ୍କୃତିକ କାର୍ଯ୍ୟକ୍ରମ ବିଳମ୍ବିତ ରାତ୍ରି ଯାଏ ଅନୁଷ୍ଠିତ ହୋଇଥିଲା ।