ପଦ୍ମପୁର, (ନିରୋଜ କୁମାର ପାଣୀ) : ପଦ୍ମପୁର ଶାନ୍ତିନଗର ଅନନ୍ୟା ଏକାଦଶୀ ଗ୍ରୁପ୍ ସଦସ୍ୟଙ୍କ ଦ୍ୱାରା ବଡ଼ ଏକାଦଶୀ ଉଦ୍ଯାପନୀ ପୂଜା ମହାସମାରୋହରେ ପାଳିତ ହୋଇଯାଇଛି । ୧୧ ତାରିଖ ସୋମବାର ସନ୍ଧ୍ୟାରେ ଶାନ୍ତି ନଗର ମାଁ ମାଉସୀ ଓ ଏକାଦଶୀ ଉପବାସ କରିଥିବା ସମସ୍ତ ସଦସ୍ୟ ଭବ୍ୟ ଶୋଭାଯାତ୍ରାରେ ଶଙ୍ଖ ଘଣ୍ଟ ଧ୍ୱନୀ ବାଜା ସହିତ କଳସ ଯାତ୍ରାରେ ବାହାରି ସହର ପରିକ୍ରମା କରି ବଡ଼ବନ୍ଧରୁ କଳସୀରେ ପାଣି ଭର୍ତ୍ତି କରି ପୂଜାସ୍ଥଳକୁ ଆସି କଳସ ସ୍ଥାପନ କରାଯାଇଥିଲା । ୧୨ ତାରିଖରେ ପୂଜକ ପଣ୍ଡିତ ନରେନ୍ଦ୍ର ହୋତା, ପଣ୍ଡିତ ଭକ୍ତବନ୍ଧୁ ପୁରୋହିତ ଓ ପଣ୍ଡିତ ଅଖିଳେନ୍ଦ୍ର ପୁରୋହିତଙ୍କ ତତ୍ତ୍ୱାବଧାନରେ ପୂଜା କାର୍ଯ୍ୟ ସମ୍ପର୍ଣ୍ଣ ହୋଇଥିଲା । ୧୩ ତାରିଖ ବୁଧବାର ଦିବା ୧୨ଟା ସମୟରେ ସମସ୍ତ ଭକ୍ତବୃନ୍ଦଙ୍କ ପାଇଁ ପ୍ରସାଦ ସେବନର ବ୍ୟବସ୍ଥା କରାଯାଇଛି । ଜଗବନ୍ଧୁ ବାବୁ, ଅନିତା ବାବୁ, ସୁରେଶ ସାହୁ, ବାସନ୍ତୀ ସାହୁ, ଚିନ୍ମୟ ପଣ୍ଡା, ଗୀତିକା ପଣ୍ଡା, କପିଳଦେବ ମାଝି, କଳ୍ପନା ମାଝୀ, ପ୍ରଭଞ୍ଜନ ମାଝି, ପୁଷ୍ପାଞ୍ଜଳି ମାଝୀ, ଚୂଡ଼ାମଣି ମେହେର, ଅନିତା ମେହେର, ସୁନୀଲ ସାହୁ, ମିନାକ୍ଷୀ ସାହୁ, ଅମୀୟ ପୁରୋହିତ, ଅନିତା ପୁରୋହିତ, ଝସକେତନ ବେହେରା, ତନୁଜା ବେହେରା, ସଂଯୁକ୍ତା ସାହୁ, ଚାରୁଚରଣ ମହାନ୍ତି, ଅନିତା ମହାନ୍ତି, ସନ୍ତୋଷ କୁମାର ସାହା ଓ ବବିତା ସାହା ସପତ୍ନୀଙ୍କ ସହ ଏକାଦଶୀ ଉପବାସ କରିଥିଲେ । ଶାନ୍ତିନଗର ପଡାବାସୀ ପୂଜାରେ ସହଯୋଗ କରିଥିଲେ ।