ଲେବଡା ପାଟଣେଶ୍ୱରୀ ସରକାରୀ ଉଚ୍ଚ ମାଧ୍ୟମିକ ବିଦ୍ୟାଳୟ ପକ୍ଷରୁ ମହିଳା ଆତ୍ମ ସୁରକ୍ଷା ତାଲିମ ଶିବିର ଉଦ୍ଘାଟିତ
ମୁରିବାହାଲ, (ଦୁର୍ଗାନନ୍ଦ ମହାକୁର) : ବଲାଙ୍ଗିର ଜିଲ୍ଲା ମୁରିବାହାଲ ବ୍ଲକ ଲେବଡା ପାଟଣେଶ୍ୱରୀ ସରକାରୀ ଉଚ୍ଚ ମାଧ୍ୟମିକ ବିଦ୍ୟାଳୟର ଅଧ୍ୟକ୍ଷ ଦୁତିବାହାନ ମୁନାଙ୍କ ସଭାପତିତ୍ୱରେ ଏକାଦଶ ତଥା ଦ୍ୱାଦଶ ଶ୍ରେଣୀର ଛାତ୍ରୀମାନଙ୍କୁ ନେଇ ଆତ୍ମସୁରକ୍ଷା ତାଲିମ ଶିବିର ଉଦ୍ଘାଟିତ ହୋଇଯାଇଛି । ଏଥିରେ ବିଦ୍ୟାଳୟର ସହକାରୀ ଶିକ୍ଷକ ସାଧୁଚନ୍ଦ୍ର ଛତର, ଏସ୍ଏମ୍ସି କମିଟି ସଭାପତି ଡମ୍ବରୁଧର ମାଝି, ତଥା ପିଜିଟି ଶିକ୍ଷକ ରିତେଶ ତ୍ରିପାଠୀ, ଅଭିଷେକ ପୁଟେଲ, ଓମ୍ ପ୍ରକାଶ ପୁଟେଲ, ଜଗନ୍ନାଥ କୁମ୍ଭାର, ଯୁବରାଜ ନାୟକ ତଥା ଝଙ୍କାର ମହାନନ୍ଦ ଉପସ୍ଥିତ ଥିଲେ । ଏଥି ସହିତ ଆତ୍ମ ସୁରକ୍ଷା କୌଶଳ ପ୍ରଶିକ୍ଷଣ କାର୍ଯ୍ୟକ୍ରମର ମାଷ୍ଟର ଟ୍ରେନର ରଶ୍ମିତା ନାଗ ଉପସ୍ଥିତ ରହି ୫୦ରୁ ଅଧିକ ଛାତ୍ରୀଙ୍କୁ ଆତ୍ମ ସୁରକ୍ଷା ତାଲିମ ପ୍ରଦାନ କରୁଛନ୍ତି । ଶେଷରେ ଅଧ୍ୟାପକ ରିତେଶ ତ୍ରିପାଠୀ ଧନ୍ୟବାଦ ଦେଇଥିଲେ ।