ବଲାଙ୍ଗିର, (କେପିଏନ୍ଏସ୍) : ବିଶିଷ୍ଟ ଚିତ୍ରଶିଳ୍ପୀ ଏବଂ କବି ଡା. ଦୀନବନ୍ଧୁ ସାହୁଙ୍କ ଏକକ ଚିତ୍ରକଳା ପ୍ରଦର୍ଶନୀ kaleidoscope ବଡ ବଜାର ସ୍ଥିତ ଗୌରିଶଙ୍କର ସାହାଣୀ ପାର୍କ ଠାରେ ଥିବା ଓଡ଼ିଶା ଲଳିତ କଳା ଏକାଡେମୀ regional art gallery ଠାରେ ଅପରାହ୍ନରେ ଉଦ୍ଘାଟିତ ହୋଯାଇଛି । ପ୍ରଦର୍ଶନୀରେ ପ୍ରଫେସର ଡକ୍ଟର ଜୟନ୍ତ କୁମାର ପଣ୍ଡା, ବିଶିଷ୍ଟ ଚିତ୍ରଶିଳ୍ପୀ ଭୋଲା ନାଥ ନାୟକ, ବିଶିଷ୍ଟ ନାଟ୍ୟ ନିର୍ଦ୍ଦେଶକ ଡକ୍ଟର ଦ୍ୱାରିକାନାଥ ନାୟକ ଏବଂ ବିଶିଷ୍ଟ କବି ଡକ୍ଟର ପ୍ରଦୀପ କୁମାର୍ ପଣ୍ଡା ଅତିଥି ଭାବରେ ଯୋଗ ଦେଇଥିଲେ । ଏହା ଆସନ୍ତା ୧୮ ତାରିଖ ପର୍ଯ୍ୟନ୍ତ ପୂର୍ବାହ୍ନ ୧୧ଟାରୁ ସନ୍ଧ୍ୟା ୭ଟା ପର୍ଯ୍ୟନ୍ତ ଦର୍ଶକ ମାନଙ୍କ ପାଇଁ ଖୋଲା ରହିବ । ଏହି ପ୍ରଦର୍ଶନୀରେ ଡା. ସାହୁଙ୍କ ୪୦୦ରୁ ଅଧିକ ଚିତ୍ରକଳା ସ୍ଥାନ ପାଇଛି । କାର୍ଯ୍ୟକ୍ରମକୁ ଗ୍ୟାଲେରୀର ବିଦ୍ୟାପତି ପ୍ରଧାନ ପରିଚାଳନାରେ କରିଥିବାବେଳେ ସାଂସ୍କୃତିକା ପୁରୋହିତ ସଂଯୋଜନା କରିଥିଲେ । ଏଠାରେ ସୂଚନାଯୋଗ୍ୟ ଯେ, ୧୦ ତାରିଖ ରବିବାର ଅପରାହ୍ନ ୫ଟାରେ କବି ଡା. ସାହୁଙ୍କ ଅଷ୍ଟମ କବିତା ସଂକଳନ ଜୀବନଭୋଗର ଶୁଭ ଉନ୍ମୋଚନ ହେବା ସହ କବିତା ପାଠୋତ୍ସବ ଏବଂ ଆଲୋଚନା ହେବ ।