ବଲାଙ୍ଗିର, (କେପିଏନ୍ଏସ୍) : ବଲାଙ୍ଗିର ମିଶନ ଶକ୍ତି ଷ୍ଟଲ୍ ଠାରେ ଦୀପାବଳୀ ଉପଲକ୍ଷେ ଓରମାସ ତରଫରୁ ଏକ ଷ୍ଟଲ୍ ଖୋଲାଯାଇଛି । ଏହି ଷ୍ଟଲ୍କୁ ଉଦ୍ଟନ କରିଥିଲେ ଓରମାସ ଯୁଗ୍ମ ସିଇଓ କମଲେନ୍ଦୁ ପଲ । ଏହି ଷ୍ଟଲ୍ରେ ଭଳିକି ଭଳି ରଙ୍ଗବେରଙ୍ଗର ଦୀପ ମିଳୁଛି । ଏହା ସହିତ ଦୀପାବଳିରେ ବ୍ୟବହୃତ ବିଭିନ୍ନ ଟେରାକୋଟା ସାମଗ୍ରୀ ମଧ୍ୟ ଦେଖିବାକୁ ମିଳିଛି । ୨ ଟଙ୍କାରୁ ଆରମ୍ଭ କରି ୫ ଟଙ୍କା ୧୦ ଟଙ୍କାର ଦୀପ ରହିଛି । ସେହିଭଳି ତେଲ ଓ ଅନ୍ୟାନ୍ୟ ସାମଗ୍ରୀ ମଧ୍ୟ ବିକ୍ରୟ ହେଉଛି । ଏହି ସାମଗ୍ରୀ କିଣିବାକୁ ଷ୍ଟଲ୍ରେ ଲୋକଙ୍କ ଭିଡ଼ ଜମୁଥିବା ଦେଖିବାକୁ ମିଳିଛି । ଚଳିତଥର ପାଖାପାଖି ୩ ଲକ୍ଷ ଟଙ୍କାର ସାମଗ୍ରୀ ବିକ୍ରୟ କରିବାକୁ ଲକ୍ଷ୍ୟ ରହିଥିବା ଓରମାସ ଅଧିକାରୀ ସୂଚନା ଦେଇଛନ୍ତି । ଏହି ଷ୍ଟଲ୍କୁ ଯଦି ବଲାଙ୍ଗିରବାସୀ ଯାଆନ୍ତି ତେବେ ଦୀପାବଳୀରେ ବ୍ୟବହୃତ ସମସ୍ତ ସାମଗ୍ରୀ ପାଇପାରିବେ ବୋଲି ସୂଚନା ଦେଇଛନ୍ତି ।