ପଦ୍ମପୁର, (ନିରୋଜ କୁମାର ପାଣୀ) : ପଦ୍ମପୁର ଅଞ୍ଚଳ ମହାବିଦ୍ୟାଳୟ ଖେଳ ପଡିଆରେ ବାଳକ ଛାତ୍ରବାସର ୧୪ତମ ହଷ୍ଟେଲ ପ୍ରିମିଅର ଲିଗ୍ ଉଦ୍ଘାଟିତ ହୋଇଯାଇଛି । ଛାତ୍ରବାସର ଅଧ୍ୟକ୍ଷକ ପ୍ରାଧ୍ୟାପକ ଡ.ବିରଞ୍ଚି ସାହୁ ମୁଖ୍ୟ ଅତିଥି ଭାବରେ ଯୋଗଦେଇ ଆନୁଷ୍ଠାନିକ ଭାବରେ ଉଦ୍ଘାଟନ କରିଥିଲେ । ସହ ଅଧିକ୍ଷକ ଓମ ପ୍ରକାଶ ସତନାମୀ, ଅଧ୍ୟାପକ ସଦାନନ୍ଦ ଭୋଇ ଛାତ୍ରବାସର ସହାୟକ ସଂଜୀବ କୁମାର ଜେନା, ବ୍ୟାସଦେବ ବଢେଇ, ଡିଲେଶ୍ୱର ମହାନନ୍ଦ ପ୍ରମୁଖ ଉପସ୍ଥିତ ଥିଲେ । ଅମପେୟାର ଭାବରେ ଦୀପକ ରଣା, ଲୋକେଶ ପ୍ରଧାନ, ସ୍କୋରର ବିଶ୍ବଦେବ ଲୁହାର, ଆକାଶ ଦାସ କାର୍ଯ୍ୟକ୍ରମ ପରିଚାଳନା କରିଥିଲେ । ଛାତ୍ର ସୁନୀଲ, ନିଶାନ୍ତ, ଆଲୋକ, ତିଳକ, ଲେଳିନ, ଡିକେଶ, ଉମେଶ ପ୍ରଧାନ ପ୍ରମୁଖ ପରିଚାଳନା କରିଥିଲେ । ଉକ୍ତ ପ୍ରିମିଅର ଲିଗ ୧୬ରୁ ଆରମ୍ଭ ହୋଇ ୧୯ ତାରିଖ ପର୍ଯ୍ୟନ୍ତ ଚାଲିବ ବୋଲି ଅଧ୍ୟକ୍ଷକ ଜଣାଇଛନ୍ତି ।