ବିନୋଦ ସ୍ମାରକୀ ଫୁଟବଲ ଟୁର୍ଣ୍ଣାମେଣ୍ଟ ଉଦ୍ଘାଟିତ : ଟ୍ରାଇବ୍ରେକରେ ୩-୧ ଗୋଲ୍ରେ ବଲାଙ୍ଗିର କ୍ରୀଡ଼ା ଛାତ୍ରବାସ ବିଜୟ
ବଲାଙ୍ଗିର, (ଦେବାଶିଷ ମିଶ୍ର) : ବଲାଙ୍ଗିର ସଦର ବ୍ଲକ ସ୍ଥିତ ଢୁଲୁସର ଖେଳ ପଡିଆ ଠାରେ ପ୍ରଥମ ବର୍ଷ ବିନୋଦ ସ୍ମାରକୀ ଫୁଟବଲ ଟୁର୍ଣ୍ଣାମେଣ୍ଟ ଆଜି ଉଦ୍ଘାଟିତ ହୋଇଯାଇଛି । ଏହି ଅବସରରେ ମୁଖ୍ୟ ଅତିଥି ରୁପେ ବଲାଙ୍ଗିର କ୍ରୀଡା ସଂସଦର ସାଧାରଣ ସଂପାଦକ ହରିନାରାୟଣ ପୁଜାରୀ ଯୋଗ ଦେଇଥିବା ବେଳେ ସମ୍ମାନିତ ଅତିଥି ଭାବେ କ୍ରୀଡାବିତ୍ ଲୋକନାଥ କୁମୁରା, ଘାସିରାମ ବେହେରା, ସାମ୍ବାଦିକ ରୁତୁରାଜ ସିଂହ, ସୁବାସ ନନ୍ଦ, ରାମକୁମାର କୁମୁରା ଓ ଶରତ କୁମାର ନନ୍ଦ ଯୋଗଦେଇ ଟୁର୍ଣ୍ଣାମେଣ୍ଟକୁ ଉଦ୍ଘାଟନ କରିବା ସହ ଖେଳାଳୀମାନଙ୍କୁ ଉତ୍ସାହିତ କରିଥିଲେ । ଆଜିର ଉଦ୍ଘାଟନୀ ମ୍ୟାଚ ବଲାଙ୍ଗିର କ୍ରୀଡ଼ା ଛାତ୍ରବାସ ଓ ଢୁଲୁସର ଜବାହାରଲାଲ ଫୁଟବଲ ଆସୋସିଏସନ୍ ମଧ୍ୟରେ ଅନୁଷ୍ଠିତ ହୋଇଥିଲା । ଖେଳ ଶେଷ ହେବା ବେଳକୁ ଦୁଇଦଳ ମଧ୍ୟରେ ୧-୧ ଗୋଲରେ ଅମିମାସିଂତ ହୋଇଥିଲା । ପରେ ବଲାଙ୍ଗିର କ୍ରୀଡା ଛାତ୍ରବାସ ଦଳ ୩-୧ଟ୍ରାଇବେକର ଜରିଆରେ ବିଜୟ ହୋଇଥିଲା । କ୍ରୀଡା ଛାତ୍ରବାସର ଗୋଲ୍ କିପରଙ୍କୁ ମ୍ୟାନ ଅଫ ଦି ମ୍ୟାଚ ଘୋଷଣା କରାଯିବା ସହ ଟ୍ରଫି ପ୍ରଦାନ କରି ଅତିଥିମାନେ ସମ୍ମାନିତ କରିଥିଲେ । ଆଜିର ଖେଳକୁ ବୈକୁଣ୍ଠ ଜେନା, ସଂଜୀବ ମହାରଣା, ପୁରୁଷୋତ୍ତମ ବୁଡେକ ଓ ଦେବାଶିଷ ବାଗ ପରିଚାଳନା କରିଥିବା ବେଳେ ଶ୍ରୀବତ୍ସ କୁମୁରା, ସଚୀନ୍ଦ୍ର କୁମାର ମଲ୍ଲିକ, ଦିଲ୍ଲୀପ କୁମାର ମଲ୍ଲିକ, ରବି ନାରାୟଣ ସାହୁ, ରାଜ କୁମାର ପଧାନ, ପିଂଟୁ କଅଁର ପ୍ରମୁଖ ସହଯୋଗ କରିଥିଲେ ।