ମାଲକାନଗିରି : ବାହାର ରାଜ୍ୟକୁ ଚାଲାଣ ହେଉଥିବା ବେଳେ ମାଲକାନଗିରି ବସ୍ଷ୍ଟାଣ୍ଡରୁ ୩୦ ଶିଶୁ ଶ୍ରମିକ ଉଦ୍ଧାର ହୋଇଥିବା ଜଣାପଡିଛି । ହାଇଦ୍ରାବାଦକୁ ଚାଲାଣ ବେଳେ ଧରିଲା ଚାଇଲ୍ଡ ଲାଇନ୍ । ଉଦ୍ଧାର ହୋଇଥିବା ଶିଶୁମାନଙ୍କୁ ସେମାନଙ୍କ ପରିବାର ଲୋକଙ୍କୁ ହସ୍ତାନ୍ତର କରାଯାଇଛି । ସୂଚନାନୁଯାୟୀ, ମଙ୍ଗଳବାର ରାତିରେ ମାଲକାନଗିରି ବସ୍ଷ୍ଟାଣ୍ଡରୁ ୩୦ ଜଣ ଶିଶୁଙ୍କୁ ଏକ ବସ୍ ଯୋଗେ ହାଇଦ୍ରାବାଦ ଚାଲାଣ କରାଯାଉଥିଲା । ଏହି ସମୟରେ ଚାଇଲ୍ଡ ଲାଇନ୍ ଚଢାଉ କରି ଶିଶୁମାନଙ୍କୁ ଉଦ୍ଧାର କରିଛି । ତେବେ ଘଟଣାସ୍ଥଳରୁ ଦଲାଲ ଜଣକ ଫେରାର୍ ହୋଇଯାଇଛି । ଭଦ୍ରାଚଲାମ ଠାରେ ଲଙ୍କା ତୋଳିବା ପାଇଁ ଏହି ଶିଶୁମାନଙ୍କୁ ଚାଲାଣ କରାଯାଉଥିବା ସୂଚନା ମିଳିଛି । ଶିଶୁମାନଙ୍କୁ ସୁରକ୍ଷିତ ଭାବେ ସେମାନଙ୍କ ପରିବାର ଲୋକଙ୍କୁ ହସ୍ତାନ୍ତର କରାଯାଇଛି ।