ଡେଲାଙ୍ଗ, (ଦିଲ୍ଲୀପ କୁମାର ଧାଉଡିଆ) : ଡେଲାଙ୍ଗ ବ୍ଲକ ଅନ୍ତର୍ଗତ ଘୋରଡିଆ କେନ୍ଦ୍ର ପ୍ରାଥମିକ ବିଦ୍ୟାଳୟ ସନ୍ନିକଟ କେନାଲ ବନ୍ଧ ପାର୍ଶ୍ଵରେ ପଡିଥିବା ଏକ ନବଜାତ ଶିଶୁ କନ୍ୟାକୁ ସେଠାରେ ଫୁଟବଲ ଖେଳୁଥିବା ପିଲାମାନେ ଉଦ୍ଧାର କରିଥିଲେ । ଖବର ପାଇ ସ୍ଥାନୀୟ ଆଶା କର୍ମୀ ଓ ଅଙ୍ଗନୱାଡି କର୍ମୀ ଘଟଣା ସ୍ଥଳରେ ପହଞ୍ଚି ତୁରନ୍ତ ନବଜାତ ଶିଶୁ କନ୍ୟାକୁ ଆଶୁଚିକିତ୍ସା ପାଇଁ ଉପସ୍ଥିତ ପିଲାମାନଙ୍କ ସହଯୋଗରେ ଡେଲାଙ୍ଗ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରକୁ ନେଇଥିଲେ । କେହି ଯୁବତୀ/ମହିଳା ସେଠାରେ ଶିଶୁ କନ୍ୟାଟିକୁ ଜନ୍ମ ଦେଇ ଛାଡି ପଲେଇଛି । ସଦ୍ୟ ଜନ୍ମିତ ଶିଶୁ କନ୍ୟାଟି କାହାର ପରିଚୟ ମିଳିନାହିଁ ।