- ସୋମବାର ଭବାନୀପାଟଣା ବନାମ ବରଗଡ ମଧ୍ୟରେ ଫାଇନାଲ
ବଲାଙ୍ଗିର, (ଦେବାଶିଷ ମିଶ୍ର) : ମହାରାଜ ଆର.ଏନ୍.ସିଂହଦେଓ ଫୁଟବଲ ଟୁର୍ଣ୍ଣାମେଣ୍ଟ କମିଟି ପକ୍ଷରୁ ଓ ଜିଲ୍ଲା କ୍ରୀଡା ସଂସଦ ସହଯୋଗରେ ଆଜି ବଲାଙ୍ଗିର ଗାନ୍ଧୀ ଷ୍ଟାଡିୟମ ଠାରେ ରାଜ୍ୟ ସ୍ତରୀୟ ଫୁଟବଲ ଟୁର୍ଣ୍ଣାମେଣ୍ଟ ଦ୍ୱିତୀୟ ସେମିଫାଇନାଲ ଖେଳ ଅନୁଷ୍ଠିତ ହୋଇଯାଇଛି । ବରଗଡ ବନାମ ସମ୍ବଲପୁର ମଧ୍ୟରେ ଅନୁଷ୍ଠିତ ଖେଳ ନିର୍ଦ୍ଧାରିତ ସମୟ ମଧ୍ୟରେ ଡ୍ର ରହିଥିଲା । ଟ୍ରାଇବ୍ରେକର ୪-୨ ଗୋଲରେ ବରଗଡ ବିଜୟୀ ହୋଇ ଫାଇନାଲକୁ ପ୍ରବେଶ କରିଛି । ମୁଖ୍ୟ ଅତିଥି ଭାବରେ ବଲାଙ୍ଗିର ଜିଲ୍ଲା ପରିଷଦ ଅଧ୍ୟକ୍ଷା ଦେବକୀ ସାହୁ ଯୋଗ ଦେଇଥିଲେ । ସମ୍ମାନିତ ଅତିଥି ଭାବେ ଲୋଇସିଂହା ନିର୍ବାଚନ ମଣ୍ଡଳିର ବିଧାୟକ ପ୍ରାର୍ଥୀ ନିହାର ରଂଜନ ବେହେରା, ଜିଲ୍ଲା ସଂସ୍କୃତି ଅଧିକାରୀ ରଶ୍ମି ରଂଜନ ମିଶ୍ର, ପୂର୍ବତନ ଦେଓଗାଁ ବ୍ଲକ ଅଧ୍ୟକ୍ଷ ଲକ୍ଷ୍ମଣ ମେହେର, ସମ୍ବାଦିକ ଅଞ୍ଜନ ପ୍ରଧାନ ଓ କମିଟି ବରିଷ୍ଠ ଉପଦେଷ୍ଟା ବିଧୂଭୂଷଣ ତ୍ରିପାଠି ଯୋଗଦେଇ ଖେଳାଳିମାନଙ୍କୁ ଉତ୍ସାହିତ କରିଥିଲେ । କ୍ରୀଡା ସଂସଦର କୋଷାଧ୍ୟକ୍ଷ ହେମନ୍ତ କୁମାର ବେହେରା କାର୍ଯ୍ୟକ୍ରମକୁ ସଂଯୋଜନା କରିଥିଲେ । ଖେଳକୁ ଦେବାଶିଷ ବାଗ, ଜିତେନ୍ଦ୍ର ପାତ୍ର, ନରସିଂସ୍ୱାମୀ ନାଇଡୁ ଓ ଅବଦୁଲ ମୁଜିବ ପରିଚାଳନା କରିଥିଲେ । କ୍ରୀଡା ସଂସଦର ଫୁଟବଲ ସଂପାଦକ ଶରତ କୁମାର ନନ୍ଦ ମ୍ୟାଚ୍ କମିଶନର ଦାୟିତ୍ୱ ତୁଳାଇଥିଲେ । ପୂର୍ବତନ ଖେଳାଳି କୈଳାସ କର୍ତ୍ତି ଓ ପ୍ରଦୀପ ମହାରଣାଙ୍କୁ କମିଟି ପକ୍ଷରୁ ସମ୍ବର୍ଦ୍ଧିତ କରାଯାଇଥିଲା । ଆଜି ଖେଳର ଶ୍ରେଷ୍ଠ ଖେଳାଳି ଭାବେ ବରଗଡ ଦଳର ଗୋଲ କିପର ସିଦ୍ଧାନ୍ତ ପଧାନଙ୍କୁ ପୁରସ୍କୃତ କରାଯାଇଥିଲା । କମିଟି ସଭାପତି ପ୍ରଭାସ କୁମାର ପାଣିଗ୍ରାହୀ, ସଂପାଦକ ସାଗର ସଂଗମ ଶତପଥି, ସୁଶିଲ ଚାନ୍ଦ, ପ୍ରଦ୍ୟୁମ୍ନ ହୋତା, ସନ୍ତୋଷ କୁମାର ଦନ୍ତା, କିଶୋର କୁମ୍ଭାର, ବୀରସେନ ସାହୁ, ଡୋଳାମଣି ବାଗ, ଭୁପେନ୍ଦ୍ର ସିଂ, ଦିଲ୍ଲୀପ ବଗର୍ତ୍ତି, ରମେଶ ବେହେରା, ଚିନ୍ମୟ ସାହୁ, ସୁବ୍ରତ କୁମାର ଉପାଧ୍ୟାୟ, ଲଲାଟେନ୍ଦୁ ପଟ୍ଟନାୟକ, ଦୀପକ ପଣ୍ଡା, ନିହାର ରଂଜନ ସ୍ୱାଇଁ, ଦେବଦତ୍ତ ବେହେରା ପ୍ରମୁଖ ସହଯୋଗ କରିଥିଲେ । ସୋମବାର ଭବାନୀପାଟଣା ଇଭିନିଂ ଏଫ୍ସି ବନାମ ବରଗଡ ୟୁନାଇଟେଡ୍ ଏଫ୍ସି ମଧ୍ୟରେ ଫାଇନାଲ ଖେଳ ହେବ ବୋଲି କମିଟି ପକ୍ଷରୁ ପ୍ରଚାର ପ୍ରସାର କମିଟି ସଦସ୍ୟ ବିଭୁତି ଭୂଷଣ ମିଶ୍ର ସମସ୍ତ କ୍ରୀଡାପ୍ରେମୀଙ୍କୁ ଫାଇନାଲ ଖେଳରେ ଉପସ୍ଥିତ ରହି ଖେଳାଳିମାନଙ୍କୁ ଉତ୍ସାହିତ କରିବାକୁ ଅନୁରୋଧ କରିଛନ୍ତି ।