ଟାଉନ ପୋଲିସକୁ ମିଳିଲା ବଡ ସଫଳତା : ଡକାୟତ କରିବା ପାଇଁ ଯୋଜନା କରୁଥିବା ବେଳେ ଧରାପଡିଲେ ୬ ଜଣ ଲୁଟେରା
ବଲାଙ୍ଗିର, (କେପିଏନ୍ଏସ୍) : ଗତକାଲି ଟାଉନ ପୋଲିସ ଦ୍ୱାରା ୬ ଜଣ ଲୁଟେରା ଗିରଫ ହୋଇଥିବା ନେଇ ଆଜି ଟାଉନ ଥାନା ପରିସରରେ ଏସ୍ଡିପିଓ ତୋଫାନ ବାଗ ଅନୁଷ୍ଠିତ ସାମ୍ବାଦିକ ସମ୍ମିଳନୀରେ ସୂଚନା ଦେଇଛନ୍ତି ।
ଏସ୍ଡିପିଓ ଶ୍ରୀ ବାଗଙ୍କ ସୂଚନା ଅନୁସାରେ ବଲାଙ୍ଗିର ଏସ୍ପିଙ୍କ ନିର୍ଦ୍ଦେଶ କ୍ରମେ ସହରର ସାରା ପେଟ୍ରୋଲିଂ ବ୍ୟବସ୍ଥାକୁ କଡାକୁଡି କରାଯାଇଥିବା ବେଳେ ଡକାୟତ କରିବା ପାଇଁ ଯୋଜନା କରୁଥିବା ସମୟରେ ଟାଉନ ପୋଲିସର ପେଟ୍ରୋଲିଂ ଟିମ୍ ୬ ଜଣ ଲୁଟେରାକୁ କାବୁ କରିବା ସହ ଲୁଟେରାମାନଙ୍କ ନିକଟରୁ ୨ଟି ସ୍କୁଟି, ଗୋଟିଏ ବାଇକ, ୬ଟି ମୋବାଇଲ ଫୋନ୍, ୨ଟି ଖଣ୍ଡା, ଗୋଟିଏ ସକ୍ଅପ୍ ରଡ ଓ ଗୋଟିଏ ଏୟାର ଗନ୍ ଜବତ କରିଛି । ଗିରଫ ଲୁଟେରାମାନେ ହେଲେ ବିଷ୍ଣୁମୁଣ୍ଡାର ଶ୍ରୀକାନ୍ତ ସୁନା (୨୪), ନିତେଇ ନନ୍ଦ (୨୪), ଅବିନାଶ ଓରଫ ସୁମନ ବାଗ (୧୯), ସୁଦାମ ସୁନା (୨୫) ଓ ମାଲଗୋଦାମ ପଡାର ଧନେଶ୍ୱର ନାଗ (୨୬) ଓ ତେଜରାଜ ନନ୍ଦ (୨୬) । ଅନ୍ୟପଟେ ପୂର୍ବରୁ ମଧ୍ୟ ଏହି ଲୁଟେରାମାନଙ୍କ ନାମରେ ମାମାଲା ରୁଜୁ ହୋଇଥିବା ନେଇ ଏସ୍ଡିପିଓ ଶ୍ରୀ ବାଗ କହିଛନ୍ତି ।
