ଓଡ଼ିଶାରେ ୨୪୦୦ ମେଗାୱାଟ୍ ତାପଜ ବିଦ୍ୟୁତ୍ ପ୍ରକଳ୍ପ ଠିକା କାର୍ଯ୍ୟ ବିଏଚ୍ଇଏଲ୍ (ଭେଲ୍)କୁ ପ୍ରଦାନ କଲା ଏନ୍ଏଲ୍ସିଆଇଏଲ୍
- ଝାରସୁଗୁଡ଼ା ଜିଲ୍ଲାରେ ନିର୍ମାଣ ହେବ ପ୍ରକଳ୍ପ : ପରିବେଶ ଅନୁକୂଳ ଅତ୍ୟାଧୁନିକ ଜ୍ଞାନକୌଶଳ ବ୍ୟବହାର କରାଯିବ
- ତାମିଲନାଡ଼ୁ, ଓଡ଼ିଶା, କେରଳ ଓ ପୁଡୁଚେରୀରେ କମ୍ ଖର୍ଚ୍ଚରେ ବିଜୁଳି ଉପଲବ୍ଧ ହେବ
ଭୁବନେଶ୍ୱର, (ପିଆଇବି) : କୋଇଲା ମନ୍ତ୍ରଣାଳୟ ଅଧୀନସ୍ଥ ନବରତ୍ନ କମ୍ପାନୀ ଏନ୍ଏଲ୍ସି ଇଣ୍ଡିଆ ଲିମିଟେଡ ଆଇସିବି ମାଧ୍ୟମରେ ପ୍ରତିଯୋଗିତାମୂଳକ ଟେଣ୍ଡର ଆହ୍ୱାନ କରିବା ପରେ ଓଡ଼ିଶାର ଝାରସୁଗୁଡ଼ା ଜିଲ୍ଲାରେ ୨୪୦୦ ମେଗାୱାଟ କ୍ଷମତା (୩ x ୮୦୦ ମେଗାୱାଟ୍ – ପର୍ଯ୍ୟାୟ ୧) ବିଶିଷ୍ଟ ପିଟ୍ ହେଡ୍ ଗ୍ରୀନ୍ ଫିଲ୍ଡ ତାପଜ ବିଦ୍ୟୁତ୍ ପ୍ରକଳ୍ପ ସ୍ଥାପନ କରିବାକୁ ବିଏଚ୍ଇଏଲ୍ (ଭେଲ୍)କୁ ଇପିସି ଠିକା କାର୍ଯ୍ୟ ପ୍ରଦାନ କରିଛି । ଏହି ପ୍ରକଳ୍ପ ଅଲଟ୍ରା ସୁପର କ୍ରିଟିକାଲ ଟେକ୍ନୋଲୋଜି ଉପରେ ଆଧାରିତ । ୨୪୦୦ ମେଗାୱାଟ୍ ବିଦ୍ୟୁତ୍ ନିମନ୍ତେ ଚୁକ୍ତି ତାମିଲନାଡୁ, ଓଡ଼ିଶା, କେରଳ ଓ ପୁଡୁଚେରୀ ରାଜ୍ୟ ସହିତ କରାଯାଇଛି ଏବଂ ଏଥିପାଇଁ ପିପିଏ ପୂର୍ବରୁ ନିଷ୍ପାଦିତ ହୋଇସାଇଛି । ବଏଲର, ଟର୍ବାଇନ୍, ଜେନେରେଟର, ପ୍ଲାଣ୍ଟର ସନ୍ତୁଳନ, ଏଫ୍ଜିଡି ଏବଂ ୩ x ୮୦୦ ମେଗାୱାଟ୍ – ୨୪୦୦ ମେଗାୱାଟ ପର୍ଯ୍ୟାୟ -୧ ପାଇଁ ଏସ୍ସିଆର୍ ଭଳି ଯନ୍ତ୍ରପାତିର ଇଞ୍ଜିନିୟରିଂ, ଉତ୍ପାଦନ, ଯୋଗାଣ, ନିର୍ମାଣ ଏବଂ କାର୍ଯ୍ୟକ୍ଷମ କରିବା ଏଥିରେ ଅନ୍ତର୍ଭୁକ୍ତ । ଏହି ତାପଜ ବିଦ୍ୟୁତ୍ ପ୍ରକଳ୍ପ ପାଇଁ ଓଡ଼ିଶାର ଝାରସୁଗୁଡ଼ା ଓ ସମ୍ବଲପୁର ଜିଲ୍ଲାରେ ୨୦୨୦ରୁ କାର୍ଯ୍ୟକ୍ଷମ ହୋଇଥିବା ଏନ୍ଏଲ୍ସିଆଇଏଲ୍ର ବାର୍ଷିକ ୨୦ ନିୟୁତ ଟନ୍ (ଏମ୍ଟିପିଏ) କ୍ଷମତା ବିଶିଷ୍ଟ ତଳବିରା – ୨ ଓ ୩ ଖଣିରୁ କୋଇଲା ଯୋଗାଣ କରାଯିବ । ପ୍ରକଳ୍ପ ପାଇଁ ଆବଶ୍ୟକ ଜଳ ହୀରାକୁଦ ଜଳଭଣ୍ଡାରରୁ ସଂଯୋଗ କରାଯାଇ ଉତ୍ପାଦିତ ବିଦ୍ୟୁତ୍କୁ ଆଇଏସ୍ଟି ଓ ଏସ୍ଟିୟୁ ନେଟୱାର୍କ ଜରିଆରେ ସ୍ଥାନାନ୍ତର କରାଯିବ । ଏମ୍ଓଇଏଫ୍ ଗାଇଡଲାଇନ (ପରିବେଶ ଏବଂ ଜଙ୍ଗଲ ମନ୍ତ୍ରଣାଳୟ ମାର୍ଗଦର୍ଶିକା) ପୂରଣ କରିବା ପାଇଁ ଏହି ପ୍ରକଳ୍ପ ଏଫ୍ଜିଡି ଏବଂ ଏସ୍ସିଆର୍ ପରି ଅତ୍ୟାଧୁନିକ ପ୍ରଦୂଷଣ ନିୟନ୍ତ୍ରଣ ଉପକରଣ ଆଣିବ । ବାୟୋ ମାସ୍ ହ୍ୟାଣ୍ଡଲିଂ ସିଷ୍ଟମ ସହିତ ଶକ୍ତି ମନ୍ତ୍ରଣାଳୟର ଗାଇଡଲାଇନ ଅନୁଯାୟୀ ସବୁଜ ପଦକ୍ଷେପର ଏକ ଅଂଶ ଭାବରେ ବାୟୋ ମାସ୍ର କୋ ଫାୟାରିଂ ପାଇଁ ବଏଲର ଡିଜାଇନ୍ କରାଯିବ । ଏହି ପ୍ରକଳ୍ପର ପ୍ରଥମ ୟୁନିଟ୍ ୨୦୨୮ – ୨୯ ଆର୍ଥିକ ବର୍ଷରେ କାର୍ଯ୍ୟକ୍ଷମ ହେବ । ଏହା ପିଟ୍ ହେଡ୍ ତାପଜ ପ୍ରକଳ୍ପ ହୋଇଥିବାରୁ ଏହାର ପରିବର୍ତ୍ତନଶୀଳ ମୂଲ୍ୟ ପ୍ରତିଯୋଗିତାମୂଳକ ହେବ ଏବଂ ଏନ୍ଏଲ୍ସି ଇଣ୍ଡିଆ କମ୍ ମୂଲ୍ୟରେ ବିଜୁଳି ଉତ୍ପାଦନ କରିବ ଏବଂ ଏହାର ହିତାଧିକାରୀମାନଙ୍କୁ କମ୍ ମୂଲ୍ୟରେ ପ୍ରଦାନ କରିବ ।