ମାଧପୁର : ଆଠମଲ୍ଲିକ ଥାନା ଅନ୍ତର୍ଗତ ଆଠମଲ୍ଲିକ କିଆକଟା ପୂର୍ତ୍ତ ରାସ୍ତାର ପୁରୁଣା ମାଣତ୍ରି ନାଳ ଉପରେ ଆଜି ଏକ ଟ୍ରକ୍ ଭାରସାମ୍ୟ ହରାଇ ୫୦ ତଳକୁ ଖସିପଡିଥିବା ଜଣାପଡିଛି । ସ୍ଥାନୀୟ ଲୋକଙ୍କ ଠାରୁ ମିଳିଥିବା ସୂଚନା ଅନୁଯାୟୀ ଆଜି ଭୋର ସମୟରେ ଟ୍ରକ୍ଟି ମାଧପୁର ଦିଗରୁ ଆଠମଲ୍ଲିକ ଅଭିମୁଖେ ଯାଉଥିଲା । ସେହି ସମୟରେ କୌଣସି କାରଣରୁ ଟ୍ରକ୍ଟି ଭାରସାମ୍ୟ ହରାଇ ନାଳ ଉପରେ ଥିବା ସୁରକ୍ଷା ବାଡ଼କୁ ଭାଙ୍ଗି ପାଖାପାଖି ୫୦ ଫୁଟ୍ ତଳକୁ ଖସି ପଡିଥିଲା । ଟ୍ରକ୍ରେ କେବଳ ଚାଳକ ଥିଲେ ଏବଂ ସେ ଆହତ ହୋଇଥିବା ଜଣାପଡିଛି । ତାଙ୍କୁ ନିକଟସ୍ଥ ଆଠମଲ୍ଲିକ ଡାକ୍ତରଖାନାକୁ ସ୍ଥାନାନ୍ତର କରାଯାଇଛି ।