ମେଡ଼ିସିନ ଷ୍ଟୋରର ସଟର ତାଲା ଭାଙ୍ଗି ଚୋରୀ ଘଟଣାରେ ଦୁଇ ପେଶାଦାର ଅପରାଧୀ ଗିରଫ : ନଗଦ ଟଙ୍କା ସହ ବିଭିନ୍ନ ସାମଗ୍ରୀ ଜବତ
ବାଲିଗୁଡା, (ସୁରେନ୍ଦ୍ର କୁମାର ପାଣିଗ୍ରାହୀ) : କନ୍ଧମାଳ ଜିଲ୍ଲା ବାଲିଗୁଡା ଟାଉନରେ ଏକ ଚୋରୀ ଘଟଣାରେ ବାଲିଗୁଡା ପୋଲିସ ଦୁଇ ପେଶାଦାର ଅପରାଧୀଙ୍କ ସମେତ ଚୋରୀ ସାମଗ୍ରୀ ଜବତ କରିଥିବା ବିଷୟକୁ ନେଇ ଏସଡିପିଓ ରାମେନ୍ଦ୍ର ପ୍ରସାଦ ଏକ ସାମ୍ବାଦିକ ସମ୍ମିଳନୀରେ ପ୍ରକାଶ କରିଛନ୍ତି । ଘଟଣାରୁ ପ୍ରକାଶ ଯେ, ଚଳିତ ମାସ ୧୬ ତାରିଖ ରାତ୍ରି ଦୁଇ ଘଣ୍ଟା ପରେ ପରେ ବାଲିଗୁଡା ଟାଉନର ତହସିଲଦାରଙ୍କ କ୍ୱାଟର ସମ୍ମୁଖରେ ଥିବା ଗିରିଜା ମେଡ଼ିସିନ ଷ୍ଟୋରରୁ କୌଣସି ଦୁର୍ବୁତ୍ତ ସଟରର ତାଲା ଭାଙ୍ଗି ଦୋକାନରେ ପଶି ନଗଦ ୭ ହଜାର ଟଙ୍କା ଓ ମୋବାଇଲ ଚାର୍ଜର, ସ୍ମାର୍ଟ ଘଣ୍ଟା ସମେତ ଅନ୍ୟ କିଛି ଜିନିଷ ଚୋରି କରି ନେଇଥିଲେ ଏନେଇ ମେଡ଼ିସିନ ଷ୍ଟୋର ମାଲିକ ଲିଟନ କୁମାର ଦୋରା ବାଲିଗୁଡା ଥାନାରେ ଏତଲା ଦାଏର କରିଥିଲେ । କେସ୍ ନଂ.୫୧/୨୫ ଏତଲାକୁ ଭିି କରି ତଦନ୍ତ କରି ଅଧିକାରୀ ଏଏସ୍ଆଇ ଉମା ଶଙ୍କର ନିଆଲ ତନାଘନା ତଦନ୍ତ ଅବ୍ୟାହତ ରଖି ସୋମବାର ଅପରାହ୍ନରେ ଘଟଣାର ପର୍ଦାଫାଶ କରି ବାଲିଗୁଡା ହାଟପଦା ସାହିର ଦୁଇଜଣ ପେଶାଦାର ଅପରାଧୀ ରିଙ୍କୁ ନାୟକ (୩୦) ଏବଂ ଶୁଭମ ଓରଫ କାଳିଆ ଦିଗାଲ (୨୨)ଙ୍କୁ ଗିରଫ କରି କୋର୍ଟ ଚାଲାଣ କରିଛନ୍ତି । ଉଭୟ ବାଲିଗୁଡ଼ା ଲିଟନ୍ କୁମାର ଦୋରାଙ୍କ ଔଷଧ ଦୋକାନରେ ଚୋରି କରିଥିଲେ । ସେମାନେ ଦୋକାନର ତାଲା ଭାଙ୍ଗି ଔଷଧ ଦୋକାନରୁ ନଗଦ ୭୦୦୦ ଟଙ୍କା, ଗୋଟିଏ ମୋବାଇଲ୍ ଚାର୍ଜର୍ ଏବଂ ଗୋଟିଏ ସ୍ମାର୍ଟ ଘଣ୍ଟା ଚୋରି କରିଥିଲେ । ଦୋକାନର ସିସିଟିଭି ଫୁଟେଜ ଆଧାରରେ କିଛି ମାନବିକ ବୁଦ୍ଧିମତ୍ତା ସାହାଯ୍ୟରେ ଅପରାଧୀମାନଙ୍କୁ ଧରି ଚୋରି ସାମଗ୍ରୀ ଉଦ୍ଧାର କରାଯାଇଛି । ଦୁଇ ଅଭିଯୁକ୍ତ କିଛି ଟଙ୍କା ଖର୍ଚ୍ଚ କରିଛନ୍ତି । ସେମାନଙ୍କ ନିକଟରୁ ନଗଦ ୨୦୩୦ ଟଙ୍କା, ମୋବାଇଲ୍ ଫୋନ୍ର ସ୍ମାର୍ଟ ଘଣ୍ଟା ଏବଂ ଚାର୍ଜର୍ ଉଦ୍ଧାର କରାଯାଇଛି । ଦୋକାନର ସଟରର ତାଲା ଭାଙ୍ଗିବା ପାଇଁ ବ୍ୟବହୃତ ଅସ୍ତ୍ରଶସ୍ତ୍ର ମଧ୍ୟ ଜବତ କରାଯାଇଛି । ସୂଚନା ଯୋଗ୍ୟ ଯେ, ଦୁଇ ଅଭିଯୁକ୍ତ ଅଭ୍ୟାସ ଗତ ଅପରାଧୀ ଏବଂ ସେମାନଙ୍କ ବିରୁଦ୍ଧରେ କୋର୍ଟରେ ସମ୍ପତ୍ତି ଅପରାଧର ଅନେକ ମାମଲା ବିଚାରାଧୀନ ଅଛି । ଏହି ଘଟଣା ପୂର୍ବରୁ ସେମାନଙ୍କୁ ଅନେକ ଥର ଜେଲକୁ ଯାଇଥିବା ବିଷୟ ମଧ୍ୟ ତଦନ୍ତରୁ ଜଣାପଡିଛି ।