ପଦ୍ମପୁର, (ନିରୋଜ କୁମାର ପାଣୀ) : ବରଗଡ ଜିଲ୍ଲା ପଦ୍ମପୁର ଉପଖଣ୍ଡ ଗାଇସିଲେଟ ଥାନା କଟାବାହାଲ ଗ୍ରାମପଞ୍ଚାୟତ କୁଲିଆରୀ ଗ୍ରାମରେ ଶୁକ୍ରବାର ବିଳମ୍ବିତ ରାତିରେ ସାପ କାମୁଡାରେ ଜଣେ ମହିଳାଙ୍କ ମୃତ୍ୟୁ ଘଟିଛି । ସେ ହେଲେ ନିଲେନ୍ଦ୍ରି ବିଭାର ବୟସ (୨୪) ସେ ଶୋଇଥିବା ସମୟରେ ବିଳମ୍ବିତ ରାତ୍ରୀରେ ଏକ ବିଷାକ୍ତ ସାପ ତାଙ୍କ ହାତରେ କାମୁଡି ଦେବାରୁ ହଠାତ ତାଙ୍କ ନିଦ ଭାଙ୍ଗିଯାଇଥିଲା । ବିଷଧର ସାପକୁ ଦେଖିଲା ପରେ ମହିଳା ଜଣକ ଜୋର୍ରେ ଚିତ୍କାର କରିଥିଲେ । ତାଙ୍କ ଚିତ୍କାର ଶୁଣି ପରିବାର ଲୋକେ ସମସ୍ତେ ଉଠିଯାଇଥିଲେ । ପରେ ତାଙ୍କୁ ପଦ୍ମପୁର ଉପଖଣ୍ଡ ଚିକିତ୍ସାଳୟକୁ ନିଆଯାଇଥିଲା । ସେଠାରେ ଡାକ୍ତର ତାଙ୍କୁ ବୁର୍ଲା ଡାକ୍ତରଖାନାକୁ ସ୍ଥାନାନ୍ତର କରିଥିବାବେଳେ ସେଠାରେ ତାଙ୍କ ଚିକିତ୍ସିତ ଅବସ୍ଥାରେ ଡାକ୍ତର ମୃତ ଘୋଷଣା କରିଥିଲେ । ତେବେ ତାଙ୍କର ଏକ ୪ ବର୍ଷର କୁନି ଝିଅ ଥିବାରୁ ମୃତକଙ୍କ ପରିବାରକୁ ସରକାରୀ ସହାୟତା ଯୋଗାଇଦେବାକୁ ସାଧାରଣରେ ଦାବି ହୋଇଥିଲା । ତେବେ ଘଟଣା ସମ୍ପର୍କରେ ଅବଗତ ହୋଇ ସ୍ଥାନୀୟ ତହସିଲଦାର ଟିଟସ ମହାନନ୍ଦିଆ ମୃତକଙ୍କ ପରିବାରକୁ ଭେଟି ସରକାରୀ ସହାୟତା ପ୍ରଦାନ ପାଇଁ ପ୍ରତିଶ୍ରୁତି ଦେଇଛନ୍ତି । ଘଟଣା ପରେ ତହସିଲଦାର ମହୋଦୟ ଶୋକସନ୍ତପ୍ତ ପରିବାରକୁ ଭେଟି ତୁରନ୍ତ ସହାୟତା ପ୍ରଦାନ ପାଇଁ ନେଇଥିବା କାର୍ଯ୍ୟାନୁଷ୍ଠାନ ଯୋଗୁଁ ସ୍ଥାନୀୟ ଅଞ୍ଚଳବାସୀ ତାଙ୍କୁ ପ୍ରଶଂସା କରିଛନ୍ତି । ବର୍ଷାଦିନ କାରଣରୁ ବିଷଧର ସାପମାନେ ଘରେ ପଶିଯାଇ ମଣିଷକୁ କ୍ଷତି ପହଂଚାଉଛନ୍ତି । ତେଣୁ ସମସ୍ତେ ଏଥିପ୍ରତି ସତର୍କ ରହିବାକୁ ତହସିଲଦାର ମହୋଦୟ ପରାମର୍ଶ ଦେଇଛନ୍ତି ।