ବଙ୍ଗୋମୁଣ୍ଡା, (ଅର୍ଜୁନ କୁମାର ହଂସ) : ବଲାଙ୍ଗିର ଜିଲ୍ଲା ବଙ୍ଗୋମୁଣ୍ଡା ବ୍ଲକ ଅନ୍ତର୍ଗତ ଭାଲୁମୁଣ୍ଡା ପ୍ରସନ୍ନ ପାଲ ଉଚ୍ଚ ମାଧ୍ୟମିକ ବିଦ୍ୟାଳୟ ପରିସରରେ ଆତ୍ମରକ୍ଷା ତାଲିମ ଶିବିର କାର୍ଯ୍ୟକ୍ରମ ଆରମ୍ଭ ହୋଇଯାଇଛି । ଏହି ଆତ୍ମରକ୍ଷା ତାଲିମ ଶିବିରରେ ମହାବିଦ୍ୟାଳୟର ଅଧ୍ୟକ୍ଷ ସୁରେନ୍ଦ୍ର ପ୍ରଧାନୀ ଯୋଗଦେଇ ଏହି ଶିବିରକୁ ଉଦ୍ଘାଟନ କରିଥିଲେ । ପ୍ରଶିକ୍ଷିକ ଭାବରେ ପୂର୍ବତନ ଛାତ୍ରୀ ନୀଳିମା ବାରିକ ଓ ସରିତା ସତନାମୀ ପ୍ରଶିକ୍ଷଣ ହେଇଥିଲେ । ଏହି ତାଲିମ କେନ୍ଦ୍ରକୁ ପ୍ରସନ୍ନ ପାଳ ଉଚ୍ଚ ମାଧ୍ୟମିକ ବିଦ୍ୟାଳୟର ଓଡ଼ିଆ ଅଧ୍ୟାପିକା ସଂଯୁକ୍ତା ପାଢ଼ୀ, ସଂସ୍କୃତ ଅଧ୍ୟାପକ ରାଜକିଶୋର ମିଶ୍ର ସହଯୋଗ କରିଥିବା ବେଳେ କ୍ରୀଡ଼ା ଅଧ୍ୟାପକ ବଳଦେବ ମେହେର ଆତ୍ମରକ୍ଷା ତାଲିମ ଶିବିରକୁ ପରିଚାଳନା କରିଥିଲେ । ଏହି ଶିବିର ଆସନ୍ତା ୨୫ ତାରିଖ ଦିନ ଉଦ୍ଯାପିତ ହେବ ବୋଲି ଜଣାପଡିଛି ।