ବଲାଙ୍ଗିର, (କେପିଏନ୍ଏସ୍) : ଆଜି ଅସୀମ କରାଟେ ଏକାଡେମୀ ଓ ବଲାଙ୍ଗିର ଜିଲ୍ଲା ଟାଇକଣ୍ଡୋ ସଂଘର ମିଳିତ ଉଦ୍ୟମରେ ପିପି ଏକାଡେମୀ ହାଇସ୍କୁଲ ପରିସରରେ ସମର କ୍ୟାମ୍ପର ଶୁଭାରମ୍ଭ ହୋଇଯାଇଛି । କୋଚ ଅସୀମ କୁମାର ଭୋଇଙ୍କ ନେତୃତ୍ୱରେ ଅନୁଷ୍ଠିତ ଏହି ସମର କ୍ୟାମ୍ପରେ ମୁଖ୍ୟ ଅତିଥି ରୂପେ ଶାରିରୀକ ଶିକ୍ଷା ନିରୀକ୍ଷକ ଅନ୍ତର୍ଯ୍ୟାମୀ ବିଶ୍ୱାଲ ଯୋଗ ଦେଇ କରାଟେ ଓ ଟାଇକଣ୍ଡୋ ଖେଳ ସ୍କୁଲ ଗେମ୍ରେ ମାନ୍ୟତା ପାଇବା ସଙ୍ଗେ ସଙ୍ଗେ ଏହାର ସାର୍ଟିଫିକେଟ ଶିକ୍ଷା ଓ ଚାକିରି କ୍ଷେତ୍ରରେ ଅନେକ ଉପଯୋଗୀ ବୋଲି ପ୍ରକାଶ କରିଥିଲେ । ସମ୍ମାନିତ ଅତିଥି ରୂପେ ପ୍ରଫେସର ଶିବବ୍ରତ ବେହେରା ଯୋଗଦେଇ ଆଜି ଦିନରେ ନାରୀ ସମାଜ ପାଇଁ ଆତ୍ମରକ୍ଷା କୌଶଳ ଅତ୍ୟନ୍ତ ଜରୁରୀ ବୋଲି କହିଥିଲେ । ଏହି ସମର କ୍ୟାମ ଆସନ୍ତା ଜୁନ ୧୧ ତାରିଖ ପର୍ଯ୍ୟନ୍ତ ଚାଲିବ । ଏହି ଅବସରରେ ଏ ଅନୁଷ୍ଠାନର ନିଜସ୍ୱ ଭିତ୍ତିଭୂମି ନ ଥିବାରୁ କୋଚ ଶ୍ରୀ ଭୋଇ ଦୁଃଖ ପ୍ରକାଶ କରିବା ସହ ପ୍ରଶାସନ ଏଥିପ୍ରତି ଦୃଷ୍ଟି ଦେଲେ ଏ ସଂଗଠନର ଛାତ୍ର ଛାତ୍ରୀମାନେ ଦେଖିଥିବା ସ୍ୱପ୍ନ ସାକାର ହୋଇ ପାରିବ ବୋଲି ଗଣମାଧ୍ୟମକୁ ସୂଚନା ଦେଇଛନ୍ତି । ଏହି କାର୍ଯ୍ୟକ୍ରମକୁ ଶ୍ରୀମନ୍ତ ଗଡତ୍ୟା, କରନ ନନ୍ଦ, ନରେନ୍ଦ୍ର ବରାଡ, ସୁଦାମା ବାରିକ, ସର୍ବେଶ୍ୱର ପୋଡ ଓ ଦେବାଶିଷ ସାହୁ ପ୍ରମୁଖ ସହଯୋଗ କରିଥିଲେ ।
