ବଲାଙ୍ଗିର, (କେପିଏନ୍ଏସ୍) : ବଲାଙ୍ଗିର ସଦର ବ୍ଲକ ଚନ୍ଦନଭାଟି ନିବାସୀ ତଥା ପୂର୍ବତନ ଆନ୍ତର୍ଜାତୀୟ ଭଲିବଲ୍ ଓ ଜାତୀୟ ଫୁଟବଲ୍ ଖେଳାଳୀ ସୁକାନ୍ତ ପାଣିଗ୍ରାହୀଙ୍କ ପରଲୋକ ଘଟିଛି । କିଛି ଦିନ ହେବ ସେ ସ୍ଵାସ୍ଥ୍ୟଗତ କାରଣରୁ ଇନ୍ଦୋର ଠାରେ ଚିକିତ୍ସିତ ହେଉଥିଲେ । ସୋମବାର ଦିନ ସକାଳ ୮.୩୦ ମିନିଟ୍ରେ ଚିକିତ୍ସିତ ଅବସ୍ଥାରେ ତାଙ୍କର ପ୍ରାଣବାୟୁ ଉଡ଼ିଯାଇଥିଲା । ଶେଷ ସମୟରେ ଧର୍ମପତ୍ନୀ ମଞ୍ଜୁଲତା, ଦୁଇ ପୁଅ ଗୋରା ଓ ଜିନୁ ଉପସ୍ଥିତ ଥିଲେ । ପୁରୀ ସ୍ଵର୍ଗଦ୍ଵାରଠାରେ ତାଙ୍କର ଅନ୍ତେଷ୍ଟି କରାଯିବା ନେଇ ସୂଚନା ମିଳିଛି । ତାଙ୍କର ବିୟୋଗରେ ପରିଚିତ ମହଲରେ ଶୋକର ଛାୟା ଖେଳିଯାଇଛି ।