ଡେଲାଙ୍ଗ, (ଦିଲ୍ଲୀପ କୁମାର ଧାଉଡ଼ିଆ) : ଡେଲାଙ୍ଗ ବ୍ଲକ ସାଉରିଆ ପଞ୍ଚାୟତର ସର୍ବ ପୁରାତନ ଘୋରଡିଆ ନୋଡାଲ ହାଇସ୍କୁଲର ୫୦ ବର୍ଷ ପୂର୍ତ୍ତି ଉପଲକ୍ଷେ ସୁବର୍ଣ୍ଣ ଜୟନ୍ତୀ ଆସନ୍ତା ଅଗଷ୍ଟ ୩୦ରେ ପାଳିତ ହେବ ବୋଲି ଶୁକ୍ରବାର ଅନୁଷ୍ଠିତ ପ୍ରସ୍ତୁତି ବୈଠକରେ ସ୍ଥିର କରାଯାଇଛି । ଉକ୍ତ ବୈଠକରେ ବିଦ୍ୟାଳୟର ପ୍ରଧାନ ଶିକ୍ଷକ ସୁଦର୍ଶନ ପରିଡା ସଭାପତିତ୍ଵ କରିଥିବା ବେଳେ ମୁଖ୍ୟ ଅତିଥି ରୂପେ ଡେଲାଙ୍ଗ ବ୍ଲକ ଅଧ୍ୟକ୍ଷ ପ୍ରସନ୍ନ କୁମାର ସାହୁ ଯୋଗଦେଇ ବିଦ୍ୟାଳୟର ବିକାଶ ଧାରାରେ ସମସ୍ତ ପ୍ରକାର ସାହଯ୍ୟ ଓ ସହଯୋଗର ପ୍ରତିଶ୍ରୁତି ଦେଇଥିଲେ । ଏଥିରେ ପଞ୍ଚାୟତର ପ୍ରାକ୍ତନ ସରପଞ୍ଚ ଦୁର୍ଯ୍ୟୋଧନ ସାହୁ ଓ ରବିନ୍ଦ୍ର କୁମାର ସାହୁ, ଅବସର ପ୍ରାପ୍ତ ପ୍ରଧାନ ଶିକ୍ଷକ ଗୋବିନ୍ଦ ଚନ୍ଦ୍ର ସାମନ୍ତରାୟ, ପୁରାତନ ଛାତ୍ର ସଂସଦ ଆଲୂମୂନି ସଭାପତି ସର୍ବେଶ୍ଵର ଭୁଜବଳ, ବିଦ୍ୟାଳୟ ଏସ୍ଏମ୍ସି କମିଟି ସଭାପତି ମହନ୍ତ ନିଶଙ୍କ ଶିକ୍ଷକ ଗୋବର୍ଦ୍ଧନ ବରାଳ, ସୁରେନ୍ଦ୍ର ସେଠି, ଚିତ୍ତରଞ୍ଜନ ରାଉତରାୟ, ଶାରୀରିକ ଶିକ୍ଷକ ସୂର୍ଯ୍ୟନାରାୟଣ ଜେନା, ଗୋପବନ୍ଧୁ ସାସମଲ, ନଟବର ସେଠୀ, ସହଦେବ ମଲ୍ଳିକ ବିଦ୍ୟାଳୟର ପୂରାତନ ଛାତ୍ର ହୃଷିକେଶ ବଳିୟାରସିଂହ, ଦିଲ୍ଲୀପ କୁମାର ଧାଉଡ଼ିଆ, ଲକ୍ଷ୍ମୀଧର ରାଉତରାୟ, ଚନ୍ଦ୍ରଶେଖର ଧାଉଡ଼ିଆ, ବଳରାମ ଭୁଜବଳ, ସନ୍ତୋଷ କୁମାର ପଟ୍ଟନାୟକ, ପୂର୍ଣ୍ଣ ଚନ୍ଦ୍ର ଶତ୍ରୂଶଲ, ମିଟୁ କୋଦମାସିଂହ, ବାବୁରାମ ଦାସ ପ୍ରମୁଖ ସାମିଲ ହୋଇଥିବା ବେଳେ ବିଦ୍ୟାଳୟର ସୁବର୍ଣ୍ଣ ଜୟନ୍ତୀ କାର୍ଯ୍ୟକ୍ରମଟିକୁ ସରସ ଓ ସୁନ୍ଦର କରିବା ପାଇଁ ନିଷ୍ପତି ହୋଇଥିଲା । ଶେଷରେ ପୂରାତନ ଛାତ୍ର ସଂସଦ ଆଲୁମିନି ସଭାପତି ଶ୍ରୀ ଭୁଜବଳ ସମସ୍ତଙ୍କୁ ଧନ୍ୟବାଦ ପ୍ରଦାନ କରିଥିଲେ ।