ବଲାଙ୍ଗିର, (କେପିଏନ୍ଏସ୍) : ଆଜି ପବିତ୍ର ରାମ ନବମୀ । ଏହି ଅବସରରେ ସାରା ଭାରତରେ ଆନନ୍ଦ ଉଲ୍ଲାସର ସହ ରାମ ନବମୀ ପର୍ବ ପାଳନ କରାଯାଉଛି । ବଲାଙ୍ଗିର ଶାନ୍ତିପଡାରେ ମଧ୍ୟ ରାମ ନବମୀ ଅବସରରେ ଆଜି ସନ୍ଧ୍ୟାରେ ଶହ ଶହ ଭକ୍ତ ଓ ଶଦ୍ଧାଳୁଙ୍କ ସମାଗମରେ ଏକ ବିଶାଳ ଶୋଭାଯାତ୍ରା ଆୟୋଜିତ ହୋଇଥିବା ଦେଖିବାକୁ ମିଳିଛି । ଅତି ଉଲ୍ଲାସର ସହ ଶ୍ରଦ୍ଧାଳୁମାନେ ‘ଜୟ ଶ୍ରୀରାମ’ ନାରା ନେଇ ଶୋଭାଯାତ୍ରାରେ ସାମିଲ ହୋଇଛନ୍ତି । କୁନି କୁନି ପିଲାମାନେ ମଧ୍ୟ ରାମ ଲକ୍ଷ୍ମଣ ବେଶରେ ଶୋଭାଯାତ୍ରାକୁ ଆହୁରି ଆକର୍ଷଣୀୟ କରିଛନ୍ତି । ହନୁମାନ ବେଶ ଧାରଣ କରିଥିବା ଶୁଭମ ସାହୁ ନାମକ ଜଣେ ଯୁବକଙ୍କ ‘ଜୟ ଶ୍ରୀରାମ’ ନାରା ଶୋଭାଯାତ୍ରାକୁ ଆହୁରି ରସାଣିତ କରୁଥିବା ଅନୁଭବ ହେଉଛି ।
